主頁 > 最新旅遊情報 > 【教學情報】 5個旅行令人超反感行為 有其中1樣都要檢討

【教學情報】 5個旅行令人超反感行為 有其中1樣都要檢討

對於無論是生活在大都市還是在小城市的朋友們,旅行總是生活中必不可少的調味品。或是一人獨自的說走就走的旅行,也或是三倆好友的結伴而行。但不管是在怎樣的旅途當中總會發生一些令人不是很愉快的事情,飛機延誤,火車晚點,再或者是結伴而游時同伴做出的令自己反感的行為。

小編總結了幾點旅行中最令人反感的幾大行為,快跟着小編來看看你有沒有中招。

第5位︰沖涼沖成個鐘 / 唔沖涼就瞓

無論同你一齊旅行同房朋友有幾熟,佢本人生活習慣你係改變唔到,例如沖涼沖得耐!所謂耐並非半小時咁簡單,而係足足成個鐘!試諗下旅行逛足成日,梗係想盡返酒店沖涼就瞓喇,點知禮讓對方卻換來傻等一個鐘!又或者,對方完全唔理自身清潔,一返到酒店成身汗味就上床瞓,瞓自己張床都算,有時唔好彩間房係一張大床孖舖果下就慘喇!

第4位︰Selfie影相怪

去旅行影相好正常,但係去到邊影到邊,又或者每次開餐都要相機行先,全部人等一個人影完先有得食!如果對方selfie叻都算,但有啲人只會不斷叫身邊人揸機影自己,仲要影幾張唔滿意要再影過,大佬呀,明星咩?!成個行程好似為左俾佢Post相咁!

當你怎麼拍都不滿意時,你應該這樣去想。下個景點會拍得你更美,不要只將注意點放在一個地方上。

第3位. 好易黑面

一齊去旅行,要日見夜見,肯定會遇到唔少磨擦,有時意見不合就一定架喇,有啲人一不合就會黑晒塊,驚死你唔知佢嬲緊咁。大佬呀!小朋友咩?咁唔單只解決唔到問題,而且成團人氣氛俾你搞差晒!咁好玩咩?你開心咩?

第2位︰話冇意見其實樣樣都介意 / 唔Plan行程但不斷埋怨

有啲人口裡總係冇所謂,好似好順得人,一齊討論食咩/去邉時總話「冇所謂啊,我食咩/去邉都得。」朋友決定左佢就會話「都話左呢間這餐廳唔好食!」「哎呀!我唔想食呢啲」「呢到有咩好行呀?咁悶」「個行程咁唔順路,點解唔去完邊邊先去邊邊呀?」總之人地決定左之後就會多多意見、嫌三嫌四!咁叻,你又唔諗?

第1位︰遲到大王

同沒時間觀念既人去旅行真係超超超超難頂!明明約好幾點係酒店大堂出發,結果唔係遲起身,就係執野要人等;又或者各自逛街,約好幾點集合,最後,大王又會因為瘋狂shopping而連累其他朋友齊齊等!呢個第1位,我諗大家都冇乜意見喇!

雖然去旅行主要目的是為放鬆心情,但如果不是單獨旅行的話,大家都要注意一下時間,做一個準時的人呢。

旅途當中最重要的是開心二字,就算是遇到有這些壞毛病的同伴,使用正確的辦法提醒他改正就是啦,千萬不要為此大動肝火哦。希望親們的每一個旅途都是愉快而又幸福的。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 [email protected],另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

Avatar
進激的艾倫
我只係一個普通嘅…香港人
GOGOAdvise - Travel旅遊日記