主頁 > 最新旅遊情報 > 專門情報 > 【教學情報】 旅行Up相諗唔到咩Caption?10首呃Like常用旅行歌詞

【教學情報】 旅行Up相諗唔到咩Caption?10首呃Like常用旅行歌詞

去旅行,瘋狂影相upload上Instagram/Facebook是常識吧!不過次次諗caption都諗到頭痕?明明幾分鐘已經影好啲相,不過諗caption就諗足幾個鐘?近年發現大家都好鍾意用流行曲歌詞做caption,呢到就介紹幾句老是常出現的歌詞比大家,以備不時之需啦!

1. 陳奕迅 《歲月如歌》

「天氣不似預期,但要走,總要飛」「情感有若行李,仍然沉重待我整理」

相信唔需要多講,呢句歌詞大家應該見唔少!上機遇著天氣差,此歌詞出現率達99%… 天氣好呢?「但要走,總要飛」囉!拜拜香港!

2. SUPER GIRLS《蓓蕾》

「遊樂時可否記下無限快樂」「隨便去吃喝 玩樂到天昏地暗,祈求與你踏遍大城小鎮」「下次那張合照現埸 是什麼地方」

每次旅行都要留下無限快樂先至不枉此行呢!

3. 陳綺貞 《旅行的意義》

「說不出,旅行的意義」

其實成首歌有好多句都啱用!去法國?「你品嚐了夜的巴黎」返中國?「你踏過下雪的北京」,每次唱到「你離開我,就是旅行的意義」都覺得好心痛,明明旅行就是一件開心事,唱到變成旅行係為左逃避某個人。不過其實去旅行有咩意義都幾值得思考!

4. 嚴爵 《好的事情》

「休息是為了走更長的路,你就是我的旅途」「想要跟你一起走到最後」「謝謝你 是你陪我走過那些路」

旅行就是休息,休息就是為了走更長的路。不過我相信每個人都淨係想長期休息咋!完!

5. 陳奕迅 《活著多好》

「遊玩時開心一點,不必掛念我。」

你有得遊玩實開心啦!相信睇到呢句caption嘅朋友仔,只會掛念你…啲手信!
(順帶一提,呢首歌好似係講親友離世… touchwood!)

6.五月天 《有些事現在不做 一輩子都不會做了》

「有些事情還不做,你的理由會是什麼?」「每次衝動留下的 都有所不同」

用咗呢句青春歌詞之後,成張相感覺熱血咗10倍。以後阿媽鬧你又去旅行丫,就可以答佢有些事現在不做 一輩子都不會做了!

7. 張惠雅 《一個人旅行》

「攜著背包遠行,離群遠赴隻身旅行」「好天氣趁未晚」「這旅途,確實有遇見對的人」

一個人又有咩好怕喎?自己去旅行、甚至做背包客,都可以好開心!

8. 周杰倫《說走就走》

「這就是年輕,該瀟灑一次的決定,說走就走的旅行。」「伸出手,搭便車,唱著歌, 彈著斑鳩」

學黎明話齋:如果想開心,為什麼需要等?嗚… 我都好想話走就走啊…

9. 陳奕迅《好久不見》

「我來到你的城市,走過你來時的路。」

唔少人失戀,都會去旅行散下心。當moody嘅風景相,配上呢句歌詞,真係聞者傷心。不過傷心過後一定要振作呢!

10. 林一峰 《離開是為了回來》

「明天就要飛走,朋友都輕鬆奉上祝福旅途愉快」「倘若結束為了重新開始」

其實用呢句歌詞做caption未必常見,但歌名「離開是為了回來」老是常出現!


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 [email protected],另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

愛旅遊的電話婷
愛旅遊的電話婷
鈴...鈐...鈐...
GOGOAdvise - Travel旅遊日記