主頁 > 最新旅遊情報 > 各地情報 > 【香港情報】 香港18區美食大搜查 長洲有乜好食?

【香港情報】 香港18區美食大搜查 長洲有乜好食?

長洲呢個地方其實都唔使點介紹。係香港咁多個離島入面,長洲可以話係人煙最稠密,又最商業化嘅島嶼。講觀光嘅張保仔洞、東灣、天后廟,相信無香港人講唔出。仲有好多鬼故、傳說,亦令唔少遊客慕名而來,至於講食方面,好出名就有大魚蛋、芒果糯米滋、紅豆餅,幾乎人人黎都會去食,咁長洲仲有其他咩野可以食呢?

甘永泰魚蛋

想試試香港不同地方的魚蛋口味?咁就可以到這家試試馳名的炸魚蛋,屬長洲魚蛋名店。
仲可以試下炸豆卜和炸蝦膠等等,所以成日都大排長龍!

新照記茶餐小食

平時吃茶記或是小食店的雞髀,食到最後永遠都唔夠喉,覺得如果雞髀再多點肉再大一點就好了。這個願望原來可以在長洲這家小食店實現!這裡賣的雞髀件件都比平常的大,不過建議不要獨自吃一份,如果唔係就會食唔到其他野食啦,同普通茶記的雞髀相比之下,這裡的雞髀明顯地大一個碼。

多多美食

以明火燒的格仔餅,香港都沒多少間剩下了。老闆說他們用的雞蛋供應商質素非常好,不是這家供應商的雞蛋他們堅決不用,「沒有雞蛋就不賣好了。」霸氣老闆如此說,而且窩夫份量十足仲大過隻手啊,並有花生醬/煉奶/牛油任加。唯一缺點就係火喉方面控制較弱,令格仔餅有點焦了,吃下去有點焦味。

天然甜品

來到長洲必食糖水之一,雪凍更不能錯過喔。表面一層花生皮,包著雪米糍,有兩重口感。糖水款式亦十分多樣化,亦同樣有售賣芒果糯米糍,如需要請預早預致電預訂!

康蘭餅店

一口蛋撻,絕對「無得輸」,可能有D人鍾意食愛酥皮多一點,但康蘭的牛油皮不會「硬掘掘」,,蛋味又夠濃,一啖一口,食到最後真係有唔夠喉感覺。

勝記小食(芒果王)

呢到成日都人山人海,個個都係到等芒果糯米糍.。3塊芒果夾在薄無可薄的糯米皮內,,外型被形容為Mac機滑鼠一樣的美食,簡直可以說理應天上有,平時係市區買個D做唔到呢種味道架!

紅.點Red Point

這款爆醬西多士盒,雖然推出已久,但每次切開足足4吋,滿布醬料的多士都有種難以言喻的滿足感!煉奶加熱溶牛油超多,內餡更可自選6大味道,包括朱古力、咖啡、綠茶、‪花生、‪藍莓和椰香。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記