主頁 > 最新旅遊情報 > 專門情報 > 【旅神情報】 跟旅神去旅行 Valerie帶你快閃遊東京

【旅神情報】 跟旅神去旅行 Valerie帶你快閃遊東京

有3日假期,決定離開香港去東京食野,行街,同relax吓。不過真係好匆忙。早上由香港飛到東京已經是下午,差不多冇咗半日。到涉谷逛逛街買買衫,然後食碗拉麵,再去行吓藥妝。咁就已經完咗一日,可以早啲返酒店休息,養足精神明天再來。

第二日有一整日,可以三合一,即係食嘢行街同影相都做齊晒!首先去表參道嘅”Bills”食 brunch ,呢間餐廳係我必到嘅地點,除咗 pancake 真係好好味之外,環境亦好舒服,行出露台重可以睇到遠景。

食完當然係去表參道逛街影相啦,隨便搵幾個汽水機都可以影到日本feel,哈哈。可以一邊行一邊影一邊食吓crepe呀,雪糕呀,唔會嘥時間!跟著可以去原宿竹下通,再轉去銀座,喜歡買品牌嘅朋友,呢度就最多選擇啦。

上次朋友介紹咗間cafe,有我好味嘅mont blanc, 嚟到都感覺好似去咗巴黎咁!而巴黎係我最喜歡嘅地方,所以來到可以回味一下。晚餐就梗係係銀座食壽司啦!

最後一日希望可以輕鬆吓,所以去箱根做遊客,行吓手信街,同享受吓大自然風景。不過重點係去浸溫泉,而今次推介嘅就係”強羅花壇 Gora Kadan”。一間想試咗好耐嘅溫泉旅館。結果真係冇令我失望,環境非常寧靜舒服。享受完強羅自釀嘅香濃梅酒配懐石料理後就可以去浸溫泉,不過溫泉相就冇啦。而我的東京短程之旅圓滿結束啦,下次見!

主要行程地址:

bills 表参道
〒150-0001 東京都渋谷区
神宮前4-30-3 東急プラザ表参道原宿7F

Cafe de Ginza
京都中央区銀座2-2-2
ヒューリック西銀座ビル1F

Gora Kadan 強羅花壇溫泉旅館
〒250-0408強羅1300


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

我只係一個普通嘅…香港人

進激的艾倫
我只係一個普通嘅…香港人
GOGOAdvise - Travel旅遊日記