主頁 > 最新旅遊情報 > 各地情報 > 【香港情報】 親子放假活動懶人包 最新9月平靚正親子活動

【香港情報】 親子放假活動懶人包 最新9月平靚正親子活動

小朋友平時返學、做功課、考試咁辛苦,周末同假期其實好期待可以同爸爸媽媽出去現吓!做父母,除了衣食住行外,仲要俾仔女參加補習班、興趣班,仲要諗周末去邊玩?我地為大家搜集咗一啲親子平靚正好去處,等父母們荷包唔會出血之餘,仲可以同小朋友玩得開心!(2018年9月更新資料)

9月期間限定活動: 水上活動一日遊

夏天當然是一個玩水上活動的季節,如果怕危險同照顧不到小朋友,到白沙灣遊艇會的水上嘉年華都是一個不錯的選擇!因為屆時將會有教練在場,一同分享海上活動的樂趣!玩完後可以到旁邊的音樂市集,有不同國家的美食,特色手作和彩繪,為一天的親子日作結尾!

展覽日期:2018年9月29日至30日
開放時間(試玩時段):12:00nn-6:00pm (9月29日);10:00am-4:00pm (9月30日)
地點:西貢西貢公路白沙灣遊艇會
入場:免費

J-Plus 全新彈跳迷宮

J-Plus 全新彈跳迷宮分為三個部分,設有大型波波池的糖果城、彩色繩網、大迷宮、兒童哥爾夫球場、模疑賽道等,讓小朋友盡情放電!

地點:油塘高超道38號大本營3樓301號舖
電話:2343 5068
「彈跳迷宮」收費
星期一至五:75點(全日任玩) / 60點(17:00後任玩)
假日:120點(全日任玩) / 85點(17:00後任玩)

深水埗的森林樂園

位於深水埗的全新室內遊樂場,設有多項兒童遊樂設施,包括投影沙池、積木屋、彩色繩網、波波池、彈床、森林樂園等,活動多元化!
地址:大埔道31-35號地庫全層
Whatsapp:5646 2499

石門Play Easy室內遊樂場

沙田石門新開的「Play Easy 輕鬆玩」室內兒童遊樂場,面積達12,500平方尺,場內設有多達18個多元化玩樂區,包括7大遊樂場園區及3大區域門票設施,當中除了有攀石牆、海綿池、造型小火車、釣魚池、積木區等,還有球池王國、超級彈床及創意沙池等一站式玩樂設施!

地址:沙田石門安群街1號京瑞廣場2期102A1
基本入場門票包括遊戲區1-7,追加門票適用於遊戲區(不同遊戲區有不同收費)
基本門票(一名成人+一位小童):
星期一至四(公眾假期除外),每小時HK$80 (額外成人$45)/ 會員每小時HK$30
星期五、六、日及公眾假期,每小時$120 (額外成人$80)/ 會員每小時HK$45

 

中西區海濱長廊

中西區海濱長廊開設「海中心公園」,以兒童、藝文、休憩和露天為主題的休憩區域,一號碼頭有一個以海洋主題的兒童遊樂設施,二號碼頭木板空間有大片空間給小朋友騎腳踏車,而三號碼頭的草地則適合野餐。

地址西區副食品批發市場(鄰近西環貨物碼頭)

大埔海濱公園

大埔海濱公園最特別之處在於,公園並非大草地咁簡單,你可以放風箏、野餐、踏單車,甚至參觀回歸塔,了解香港其中一個重要時刻,而且費用全免,同大埔墟地鐵站唔遠,絕對是值得推介的親子好去處!

入場費︰免費
開放時間︰昆蟲屋(上午8時至晚上7時)、香港回歸紀念塔(上午7時至晚上7時)、公園其他設施(全日24小時)

大型B DUCK充氣水上樂園

位於馬鞍山的白石燒烤設有B DUCK水上樂園,水上樂園有9條滑梯,3-4個波波水池,仲有1個香蕉船大水池,讓大人小朋友都可以盡情玩樂!
地址 : 馬鞍山白石1950號

農樂營

香港人多車多,想俾小朋友自由放肆玩樂真係咁難?位於元朗的農樂營提供大型戶外放電場,除了多項基本兒童玩樂設施外,仲可以去溫室種菜,還有水上兒童電船和飄移車,讓小朋友一嘗賽車滋味!如果玩累了,還可以在旁享受「BBQ樂」或「度假樂」,場地提供特色木屋,入面有卡拉OK同麻雀供應。

日期及時間:星期六、日及公眾假期 下午1時至10時
地址:新界元朗牛潭尾路攸潭美村
(於元朗「開心廣埸」後的「福康街小巴總站」乘搭37號綠色小巴,到總站「攸潭尾村公所」落車,步行約2-3分鐘)費用:免費(場內遊樂設施另外付費)
電話:9260 9235(需預先預約)

零碳天地體驗導賞團

而家全球暖化問題咁嚴重 ,家長可以俾小朋友了解更多保護大自然嘅知識。宜帶佢哋去零碳天地就係一個好好嘅機會俾啲小朋友體驗下異常氣候嘅變化。入面仲有個免費「零碳天地建築導賞」及「氣候變化與智慧城市」體驗館導賞團俾小朋友接觸最新環保資訊, 仲可以陪媽咪爹地用虛擬實境(VR)、擴增實境(AR)技術及遊戲體驗整個展覽。

導賞團展覽日期及時間:每日指定時段: 10時、2時及4時(必須事先預約)
地址:九龍灣常悅道 8 號
室內展區入場費(連導賞團):標準門票$20/ 學生票$10 /優惠票$5 (適用於年滿60歲以上的長者及傷殘人士) /6歲或以下小童免費

小蜜蜂農莊 BeeBeeFarm

農莊有6間大小獨立屋,一家人可以租一塊農田成為小小的地主,享受有機耕種的樂趣。除了可租營地和採摘新鮮農作物外,還有各項兒童康樂設施,沙池、遊樂場、滑梯和彈床一應俱全,仲有寵物樂園、親子工作坊等,多元活動,感受農莊樂!

地址:八鄉錦上路元崗清潭路菠蘿山
營業時間:星期一至日 上午7時至下午7時
收費:入場費 HK$30 / 自助午餐 $80 / 工作坊 (收費不同)
查詢電話:9642 8569‬、6684 6677

嘉道理農場暨植物園

嘉道理農場係香港一個環境保育教育中心及植物園,景色非常優美,又富教育意義,係讓小朋友認識大自然嘅絕佳地方。除了有花園、溫室等可以參觀之外,你仲可以觀賞到好多不同種類嘅動物,如昆蟲、野豬、騾和豹貓等,而「上山區」亦有好多山水美景。由於園區比較大,旅客需要規劃好參觀路線。

園方喺每個月嘅首3個星期日,都會舉辦「動物全接觸」和「動物知多點」活動,等小朋友有機會同動物接觸,增加對自然保育同非法野生動物貿易嘅認知,並培養對動物嘅尊重及欣賞。活動當日設有登記處(接待處附近),可於該處報名。

入場費:12至59歲︰$30、5至11歲︰$15、5歲以下/60歲或以上長者及合資格殘疾人士免費
開放時間:星期一至日上午9:30至下午5:00(下午4:00後謝絕遊客入場),公眾假期及園區紀念日除外

清新地有機農莊

清新地農莊環境優美,可愛的紅色小風車和小山羊,好比台灣清境。活動包括導賞團、耕種體驗、DIY工作坊等,另有兒童遊樂設施,俾一家大細一齊親親大自然。 

地址: 西貢白水碗 (科技大學旁)
開放時間: 星期二至日 上午9時至下午5時 (星期一休息)
交通資訊: 科技大學北門巴士站旁,按指示沿樓梯往下走約15分鐘

有機薈低碳農莊

有機薈低碳農莊,又叫做「有機菠蘿園」,提供各種有關菠蘿的知識、親子活動及種植體驗,俾一家大細邊學邊玩邊體驗!

地址:元朗錦上路河路四排石村 (錦上路站A出口步行約3分鐘)
開放時間:星期一至星期日 10am – 6pm 平日(公眾假期除外)
備註:只接待參加套餐(4人成團)及預約的顧客。

迪欣湖野餐

恬靜優美嘅迪欣湖,最適合一家大細嚟度過一個悠閒愉快嘅周末。除咗可以散下步,欣賞美麗嘅湖景同山景外,父母也可以同小朋友在園林嘅草地上野餐。另外,迪欣湖亦設有腳踏船同腳踏遊覽車出租服務,食飽之後租架單車或艇仔到處遊覽,係一件非常寫意嘅事!

開放時間:每日上午9:00至晚上7:00(免費入場)
腳踏船/腳踏遊覽車出租服務:每天早上10:00至下午5:00。(雙人艇$70/半小時、$120/小時;四人艇$85/半小時、$150/小時)(腳踏遊覽車:雙人單車$100/小時;四人單車$120/小時)

鴨靈號週日新體驗

鴨靈號是香港唯一仍在海上航行的中式古董三帆木船,在澳門的船廠建造並擔任漁船,現開放給公眾及遊客登船遊覽!小朋友不單可以欣賞香港東面航線沿途風光,還可以在船上親手拉帆體驗、編織漁網、探索和認識漁村文化知識!

出發日期:每週日
登船地點:筲箕灣公眾碼頭
票價:成人HK$150, 小童HK$90, 3歲以下免費

灣仔民間故事館

現今社會小朋友都只能顧及讀書同上興趣班,少有機會了解地區文化,家長可以帶小朋友一齊去位於灣仔嘅民間故事館。在故事館裡面可以看到香港以前嘅生活文化,好像打字機、黑膠碟和書本等,讓孩子認識上一代人嘅生活。除了展館本來嘅陳設外,館方還會不時更新展覽,舉辦放映會、地攤及音樂會等。話佢係一個親子好去處最適合不過。
開放時間:上午10:00至下午6:00(星期三及公眾假期休息)

漫遊大澳漁

如果想帶小朋友接觸生態,同時感受香港嘅風土人情,大澳漁村就係一個好選擇。以大約$30嘅價錢就可以坐20分鐘小艇遊覽棚屋。棚屋以外,你仲有其他選擇,就係參觀大澳文物酒店,酒店由舊警署改建而成,有留下當年警署嘅設施同物件,包括幾座炮台。行到肚仔餓,大可以掃街,除了海鮮之外,當然要試一試聞名嘅豆腐花同超大魚蛋啦!

T-Park嘆免費SPA

屯門最近開咗個新公園叫做「T-Park」,呢個公園係透過焚化污泥「轉廢為能」,100%自給自足。當中有個免費嘅水療池區,以焚化污泥嚟恆溫,環保之餘又為大眾提供放鬆身心之地!水療池區嘅環境非常唔錯,睇落似私人會所,由於有名額限制所以唔會太多人。嘆完SPA,仲可以帶埋小朋友參加公園導賞團,認識處理污泥程序及運作等,非常有教育意義!

水療池區同導賞團名額有限,需要提前幾星期上官網預約。T-Park目前未有任何公共交通可達,所以最好預約埋免費穿梭巴士,並在當日準時在屯門上車。

T-Park開放日子:星期一、星期三至星期日
水療池區開放時間:10:15~11:30 / 12:30~13:45 / 14:30~15:45 / 16:00~17:15 / 17:30~18:45
導賞團開始時間:10:30 / 12:00 / 14:15 / 15:45 / 17:15


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記