主頁 > 最新旅遊情報 > 各地情報 > 【香港情報】 2019年有咩猛片睇? 23套必睇電影懶人包

【香港情報】 2019年有咩猛片睇? 23套必睇電影懶人包

黎到2018年下半年,係時候睇定下年2019年有咩好戲上映喇喂!今年好多好戲上映,不過下年都唔執輸㗎!除咗又係有幾套Marvel之外,仲有好多大家期待已久嘅電影上映!等小編為大家介紹其中23套超矚目電影喇!

2019年23套必睇電影01: 復仇者聯盟4 (預計上映:2019年5月3日)

上集講到好多英雄都灰飛煙滅咁款,睇到各位Marvel迷都羅羅攣啊!而且最尾彩蛋仲透露Captain Marvel即將登場!唔知佢係咪拯救各位英雄嘅關鍵人物呢?喺揭曉之前,Marvel將會率先推出《Captain Marvel》獨立電影!咁《Captain Marvel》幾時上映呢?

Avengers:Infinity War

201923套必睇電影02: Captain Marvel (預計上映:2019年3月8日)

第一部Captain Marvel嘅獨立電影,亦都係佢第一次出場嘅電影!由Brie Larson飾演,各位Marvel迷真係要拭目以待喇!

2019年23套必睇電影03: Spider-Man:Far From Home (預計上映:2019年7月5日)

2019年23套必睇電影04: The New Mutants (預計上映:2019年8月1日)

《新變種人》係以年輕演員主演,劇情講述新變種人被關喺名為「醫院」嘅神秘研究機構裡面,不斷被進行人體實驗。
The New Mutants
The New Mutants

2019年23套必睇電影05:  Star Wars:Episode 9 (預計上映:2019年12月)

2019年23套必睇電影06: Suicide Squad 2 (預計上映:未公佈)

2019年23套必睇電影07: Shazam! (預計上映:2019年4月5日)

改編自DC漫畫同名角色Shazam!,劇情講述一名十幾歲嘅少年可以透過咒語「S.H.A.Z.A.M」令自己變身成一名成年姿態嘅超級英雄,而佢變身後將會獲得所羅門嘅智慧、海克力士嘅力氣、阿特拉斯嘅耐力、宙斯嘅力量、阿基里斯嘅勇氣同墨丘利嘅速度。

2019年23套必睇電影08: 馴龍記3 (預計上映:2019年1月)

《HOW TO TRAIN YOUR DRAGON: THE HIDDEN WORLD》黎到馴龍記三部曲嘅最終章!少年思噎仔同凶猛巨龍冇牙仔經過多年嘅奇幻馴龍之旅後,終於搵到佢哋真正嘅使命!

2019年23套必睇電影09: LEGO英雄傳2 (預計上映:農曆新年)

2019年23套必睇電影10: Dumbo (預計上映:2019年3月29日)

近期Disney陸續推出卡通片真人版,2019年率先獻上《小飛象》真人版,早排有網民話真·小飛象個樣有啲驚嚇,不過鍾意象仔嘅小編就覺得都幾得意啊!個個都識小飛象,唔通個個都真係睇過咩!《小飛象》係講述小飛象被媽媽送走咗,咁啱被男主角一家發現,兩位小朋友非常愛錫佢,仲當咗佢係家人,後黎小飛象被送去馬戲團,展現出佢識飛嘅能力。

2019年23套必睇電影11: s (預計上映:2019年的6月21日) 

原來對上一集已經係9年前喇!小編仲記得上一集真係好感動㗎!第4集,一眾玩具嘅主人Andy將不會再出現,故事講述胡迪、巴斯光年同翠絲出發尋找失蹤嘅牧羊女。

Toy Story 3

2019年23套必睇電影12: The Lion King (預計上映:2019年7月19日)

除咗Dumbo真人版,《Lion King》真人版相信都係非常萬眾期待㗎喇!話晒經典卡通《Lion King》係一部無任何人類角色嘅卡通片,唔知去到真人版,效果又會點呢?有傳係用CG結合真人黎做。

2019年23套必睇電影13:  魔雪奇緣2 (預計上映:2019年11月27日)

事隔6年,《Frozen2》終於上映!當年周街都好似仲曬Elsa毒咁,甚至到依家都仲見到好多小朋友會著Elsa Anna裝,拭目以待到時又會引起一番點樣嘅熱潮呢?

Frozen_small

2019年23套必睇電影14: Hellboy (預計上映:2019年1月11日)

2004年同2008年都分別已經上映過《天魔特攻》系列嘅電影,但係今次呢套並唔係第三集,而係重啟版!

2019年23套必睇電影15: Godzilla: King of the Monsters  (預計上映:2019年5月31日)

係2014年《哥斯拉》嘅續集,4隻怪獸又會上演一場點樣嘅激戰呢?

2019年23套必睇電影16: Hobbs And Shaw (預計上映:2019年7月26日)

兩大動作影星Dwayne Johnson同Jason Statham合作演出《狂野時速》嘅外傳電影《Hobbs And Shaw》,原本《狂野時速9》會喺19年上映,依家就會延遲到2020年。

2019年23套必睇電影17: 未來戰士6 (預計上映:2019年的7月26)

今次《未來戰士6》係承接《未來戰士2》嘅結局,而第2集打後嘅劇情,請自行delete記憶。而今集70歲嘅阿諾舒華辛力加同61歲嘅蓮達咸美頓將會回歸,再次演出T-800同Sarah Connor,以連接新舊兩個版本。

未來戰士6

2019年23套必睇電影18: glass (預計上映:2019年1月18日)

呢套驚悚片將2016年嘅《思·裂》同2000年嘅《不死劫》,兩個結局之後嘅故事發展合併。

2019年23套必睇電影19: 殺神John Wick 3 (預計上映:2019年5月)

將會係John Wick系列嘅最尾一集。承接上一集內容,奇洛李維斯飾演嘅John Wick因為打破咗酒店嘅規矩(酒店範圍內,各殺手不得殺人)而被下追殺令,能夠將佢殺死嘅人會得到重酬,John Wick因而需要同佢嘅愛犬一齊逃亡。一位殺手被一堆殺手追殺,相信真係會相當刺激!

殺神

2019年23套必睇電影20: 詭屋驚凶實錄3 (預計上映:2019年)

以真實故事改變嘅詭屋驚凶實錄系列,有傳第三集會係以人狼做主題。

The Conjuring 2
The Conjuring 2

2019年23套必睇電影21: The Crooked Man (預計上映:2019年)

《詭屋驚凶實錄2》入面其中一位鬼怪嘅獨立外傳電影,The Crooked Man 呢隻鬼怪係黎自一首詭異嘅童謠「有個扭曲的男人…」

The Crooked Man
The Crooked Man

2019年23套必睇電影22: 《Annabelle》 (預計上映:2019年7月3日)

未正式命名嘅第三套《Annabelle》電影,故事繼續以受到詛咒嘅瓷公仔做主角。咁多位恐怖片粉絲,密切期待喇喂!

Annabelle
Annabelle

2019年23套必睇電影23: 《小丑回魂2》 2019年的9月6日(預計上映)

上集喺2017年票房大賣,仲難得有恐怖片登上咗香港一週票房冠軍!續集已經喺今年6月開拍喇!喺上集嘅尾聲,女主角就講過話將來長大都要同大家一齊對抗小丑,仲立下血誓一定會將小丑徹底消滅!不過當年咁無畏無懼嘅孩子們,大個咗之後,都會有自己嘅生活自己嘅牽掛,又係咪個個都願意兌現承諾呢?


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

旅行會使我們感到靜默,但也能因此讓我們成為會說故事的人

Comments

comments

我的旅遊日記
旅行會使我們感到靜默,但也能因此讓我們成為會說故事的人