主頁 > 最新旅遊情報 > 專門情報 > 其他情報 > 【其他情報】 姊妹們你地又係咩角色?閨蜜3人旅行角色同好處

【其他情報】 姊妹們你地又係咩角色?閨蜜3人旅行角色同好處

閨蜜二人行,成雙成對似足孖公仔,但閨蜜三人行,唔代表其中一人會被冷落忽視,三人關係中,每個閨蜜性格各異,但總會搵到自己定位,少至出街所企嘅位置,大至自己在圈子內嘅功用都會有種毋須言喻嘅默契。閨蜜三人行好處多多,只要你都有呢兩位好閨蜜,就會明白以下7點。

閨蜜3人組好處01: 擔當調停者

閨蜜鬧翻冷戰,大家都想要個下台階,偏偏脾氣差各不退讓。第三個閨蜜的作用就係做和事佬,兩邊安撫再作調停,為事件降溫!

閨蜜3人組好處02: 有人為醜事作證

同閨蜜識得愈耐就愈愛談往事。「記唔記得中三嗰年你仆親」、「你第一次失戀喊到成個眼妝溶晒」,閨蜜A記得清清楚楚,閨蜜B唔認數?閨蜜C必定站出來做個公證人,無得賴。

閨蜜3人組好處03: 始終有人陪你做喜歡的事

想睇恐怖片、想入鬼屋探險、想台灣玩滑翔傘、想去澳洲跳降落傘…閨蜜A唔鍾意或唔得閒,尚有一個人陪你體驗!

閨蜜3人組好處04: 有商有量

發現閨蜜A做錯決定,例如感情上行差踏錯;又或撞破她的男朋友偷偷與異性約會,該不該如實相告?唔知點做好,一於同另一位閨蜜商量,大家都了解A的為人,更能深入分析下一步策略。

閨蜜3人組好處05: 俾意見時用投票制

女人最鍾意問閨蜜意見,少至買件衫、食咩好,大至轉工、感情事都會問。明明心裡有答案,卻想聽聽閨蜜意見。第一個閨蜜同你意見不合,仲可以寄望第二個同你同一陣線。萬一兩個都同你持反對意見,你都可以重新反省再決定。總之三人投票制比二人更清晰有用。

閨蜜3人組好處06: 一起炮製驚喜

閨蜜二人組慶祝生日,永遠得一個人諗點搞;三人組就唔同喇,可以孖住為另一位閨蜜炮製生日驚喜,多個人幫手,計仔都多啲啦。

閨蜜3人組好處07:  閨蜜旅行角色各異

三人去旅行,職責分工都可以更有序,例如一個管公數,一個plan行程,一個做時間管理。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

旅行會使我們感到靜默,但也能因此讓我們成為會說故事的人

Comments

comments

我的旅遊日記
旅行會使我們感到靜默,但也能因此讓我們成為會說故事的人
GOGOAdvise - Travel旅遊日記