主頁 > 最新旅遊情報 > 各地情報 > 【香港情報】 香港18區美食大搜查 荃灣有乜好食?

【香港情報】 香港18區美食大搜查 荃灣有乜好食?

民以食為天,其實香港好多區都有好多隱世美食,今日就介紹下荃灣區,睇下有咩餐廳/美食吸引到大家,仲可以約齊三五好友相聚大吃大喝一番!

荃灣有乜好食01: 元朗亞玉豆腐花

話明豆腐花,就緊係一定食豆腐花,但其實其他甜品都好值得一試!

荃灣呢間元朗亞玉豆腐花係該店係元朗開出黎的第一間分店,除左充滿豆香的豆腐花之外,其他中式糖水都好好食,例如芝麻糊,花生糊等,仲有其他豆制產品都好受大家歡迎,加上價錢非常之貼地,所以晚飯過後呢到又一定會好多人的!

地址:荃灣泰昌大廈地下5B舖
營業時間: 13:00–01:00
電話: 2718 8198

荃灣有乜好食02: 嘉樂冰廳

每枱必的火腿小奄列,用超過3個雞蛋炒成,蛋香嫩滑,半熟流心。

嘉樂冰廳走懷舊冰室風格,亦是一間有歷史的老店,所以除了荃灣人會經常幫親之外,加上經過廣泛流傳,令到店外無論何時都大排長龍,由奇係星期六日黎,不過為左美食,咩都好值得!

地址:荃灣新村街40B號地下
開放時間:10:00–19:00
電話: 2493 7308

荃灣有乜好食03: 老闆娘雲南米線

即叫即煮熱辣辣米線!

呢間荃灣人氣米線數年前因股東問題突然關舖,幸好負責人重回米線屆又已經聘請數名職員協助,店舖重回正軌,呢到每碗米線份量驚人,食量少的朋友最好先叫「少米」。湯底和辣度亦有不同選擇,麻辣湯底偏紅,辣勁十足,麻香味濃。小編只不過選擇了最低程度的「BB辣」已經招架不住,麻味強勁,喜歡吃辣的朋友絕對要去挑戰!

地點: 荃灣香車街街市熟食中心3樓28-29號舖       
開放時間:11:30am-10:30pm(逢星期三休息)
電話:9842-1971

荃灣有乜好食04: 荃灣雲貴川米線

荃灣不愧係米線集中地,呢間米線開業超過20年 ,而湯底係老闆每日早上4點幾就番去店到準備,所以呢到湯底真係冇得輸,不過呢到其實位置都幾隱蔽,不過都無損一班米線愛好者,小編都係其中一個超級支持者呢!

地址: 荃灣四陂坊14號地下
開放時間:07:30–22:00
電話: 2611 9769

荃灣有乜好食05: Aroma Dessert Cafe

呢間餐廳主要係食靚靚厚鬆餅食,大致分為班戟、心太軟、窩夫、燉蛋、火焰雪山、芭菲、梳乎里等。

餐廳環境不大,簡約的裝潢和細緻裝飾,文青路線,係而家開Cafe不能缺少的。不過呢間餐廳係該區擁有非常高的人氣,到了晚上一定會大排長龍,想食就一定要有心理準備排長隊先,不過價格親民,甜點又好食,所以一試又無所謂啦~

地址: 荃灣鱟地坊38-46號祐強樓地下42號舖
(港鐵荃灣站 A1 出口, 步行約6分鐘)
電話: 6433 7787
營業時間: 星期二至五: 15:00-22:30 星期六至日: 14:00-23:00 星期一: 休息


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記