主頁 > 最新旅遊情報 > 專門情報 > 【航空情報】 聯營航班暗藏危機 「代碼共享」要小心

【航空情報】 聯營航班暗藏危機 「代碼共享」要小心

航空公司間有代碼共享安排,提供聯營航班服務,但消費者們要小心售後跟進服務差異。首先,先了解什麼是「代碼共享」。

咩係「代碼共享」?

代碼共享,code share或者code-sharing,係指航空公司聯合營運既航班。有時候我地坐緊一班飛機,你可能會見到航班會有多過一個航班編號。

咁代碼共享航班又可以點分?其實代碼共享航班一般分為兩種類型營運方式:承運航空公司以及銷售航空公司。承運航空公司(Operating Carrier)係指用自己航空公司執飛航班;至於銷售航空公司(Marketing Carrier)唔會由自己執飛實際航班,但佢會以另一航班編號作售賣機票。以圖為例,如果你係CA購買呢張CA118既機票,你坐既航班將會由CA營運。但你透過KA購買1118既機票,你坐既航班將唔會由KA營運,而KA只係負責賣飛,所以最終你都係要去CA checkin counter,乘搭CA既航班。

一般見到航班既第一個編號,通常都會係負責承運航空公司,之後既編號則會係銷售航空公司。同一航班中,銷售航空公司可以有多於一個,有時候可以係兩至三個。而承運航空公司同銷售航空公司兩者既編號可以係有關連,例如圖中既承運航空公司CA118,佢既銷售航空公司則為KA1118。當然呢d都只係例子,航班編號亦可以毫無關連都得,視乎返航空公司既協議啦。

下一頁【聯營航班暗藏危機 「代碼共享」要小心】


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 [email protected],另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel旅遊日記