主頁 > 最新旅遊情報 > 各地情報 > 亞洲情報 > 【亞洲情報】 越南打卡渡假嘆世界 峴港/芽莊4間必住豪華infinity pool Resort

【亞洲情報】 越南打卡渡假嘆世界 峴港/芽莊4間必住豪華infinity pool Resort

今年暑假又去泰國渡假?不如平遊越南食牛肉河、嘆法國大餐、平食海鮮、飲滴漏咖啡、浸泥漿浴、買鹹蛋撈麵做手信啦!越南依家多咗好多超豪華Resort,有勁靚Infinity Pool配藍天白雲,酒店裡面嘅spa都好有質素!最重要係去5日4夜,未計酒店機票,淨玩淨食可能連1千蚊都唔駛,就可以比多少少錢住靚靚豪華越南Resort嘆世界,真心超抵玩!睇見以下間越南 resort都心郁郁啊!

峴港/芽莊4間必住豪華infinity pool Resort 01: InterContinental Danang Sun Peninsula Resort

#人生必住一次!設計師操刀超豪華Resort

睇相已經覺得靚到抖唔到氣!越南峴港最奢華的私人Resort之一,背靠著雨林保護區,面向一個一望無際,名為Bai Bac的私人沙灘靚景。客房有infinity pool,等你可以游住水望靚景,打卡都打到手軟!因為房間全由著名設計師操刀,超有藝術氣息,客房分4個主題:Heaven、Sky、Earth、Sea,全部房都面海,最小的房間都有750呎,兼有私人露台,在香港已經是間接近千萬的豪宅!酒店另一大特色,懸空倒吊在海拔100米上,名為Citron的餐廳,位於酒店最高層。看著180度的海灣,早餐也變得份外美味,打卡一流!

除此之外,酒店設施活動多到你唔信!備有室外泳池、私人海灘、土耳其蒸氣浴、日間水療、按摩美容中心、網球場、電影院、酒吧、遊樂場、桌球室、網球場,無論大人細路老人家都適合,留酒店玩一日一定唔夠!鄰近仲係熱門的釣魚和觀光景點,Reception仲可以幫你預訂於峴港市區的觀光行程或活動。

地址:Bai Bac, Son The Peninsula, Tho Quang Ward, Son Tra District, Da Nang
電話:+84-511-393-8888
房種:197間房,包括套房及Villa八款房,面積由753-3228呎不等

 

峴港/芽莊4間必住豪華infinity pool Resort 02: Naman Retreat

#打卡一流!現代建築加入傳統越南竹籐風格

度假村位於 峴港 市中心及會安古城之間,兩邊只隔20分鐘穿梭巴車程,出入方便!其私人泳池更對正沙灘,設計加入傳統越南建築的竹籐元素,零舍清幽自然!仲有好多合家歡活動參加,如沙灘排球、學整陶瓷等,齋留喺酒店都大把嘢玩,性價比即刻飆升!

地址:Truong Sa Road, 五行山郡, 峴港, 越南 

下一頁【峴港/芽莊4間必住豪華infinity pool Resort 03~04】


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 [email protected],另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

Avatar
我的旅遊日記
旅行會使我們感到靜默,但也能因此讓我們成為會說故事的人
GOGOAdvise - Travel旅遊日記