主頁 > 最新旅遊情報 > 各地情報 > 【打卡情報】 自拍打卡 特色嘢食 無限時好坐 一次過滿足哂三個願望 姐妹聚會必去6間Cafe餐廳

【打卡情報】 自拍打卡 特色嘢食 無限時好坐 一次過滿足哂三個願望 姐妹聚會必去6間Cafe餐廳

兩三個女仔想搵間有主題裝修可以自拍打卡,嘢食有特色,仲要無限時得嚟又好坐嘅餐廳或者Cafe?以下推介或者就可以一次過滿足哂三個願望!

姐妹聚會必去6間Cafe餐廳01: 聚福樓

#屯門後花園Fusion菜
聽呢個名以為係咩中式酒樓?其實佢係一間裝修幾別緻嘅Fusion餐廳!門口同室外座位有唔少植物裝飾,行入去室內樓底又夠高,話係呢區嘅後花園絕對無誇張。Brunch有All Day Breakfast、漢堡包、窩夫、意粉等選擇。而且Menu相當搞笑,Eggs Benedicts叫班尼迪克先生嘅蛋,烤雞意大利飯竟然叫米收埋隻雞,打卡都唔洗驚諗唔到Caption啦。

姐妹聚會必去6間Cafe餐廳02: Artisan Room

#西環空間感 Cafe
想再坐嘅舒服啲?咁香港大學站附近呢間Cafe就啱你地喇。裝修簡潔明淨,室外露天茶座有梳化位,室內樓底高唔會有侷促感。而且佢係全港唯一一間咖啡店有一部3.5呎高仿歌德式建築嘅冰滴咖啡機Gothicism,鐘意飲咖啡嘅朋友仔唔好錯過!飲咖啡之餘仲可以一試佢地嘅閃電泡芙或者水果撻,同樣有外表又有內涵。

姐妹聚會必去6間Cafe餐廳03: 朝花夕拾

#尖沙咀花店x鮮花料理
如果你鐘情花藝Cafe嘅話,相信你應該已經去過旺角嘅小房子,佢地嘅花藝師今次搵埋日式料理廚師同茶藝師合作,喺尖沙咀開咗呢間花店x鮮花料理餐廳。落完Order等嘢食嘅時候不妨先自拍一番,但記得留返啲位喺記憶卡影嘢食!唔單止保留返招牌櫻花水信玄餅,用食用花整嘅天婦羅百花滿園,賣相超精緻嘅蟹肉梅素麵花湯凍三堇玉立都超值得相機食先。

下一頁【姐妹聚會必去6間Cafe餐廳 04~06】


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 [email protected],另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

Avatar
進激的艾倫
我只係一個普通嘅…香港人
GOGOAdvise - Travel旅遊日記