【突發情報】 咁都得？乘客慘與嘔吐物困獸鬥4小時 多次要求調位及清理被拒

如果你一早計劃好行程，諗住同屋企人可以享受一個悠長假期，點知係飛行過程中竟然要坐係一堆嘔吐物隔離四個鐘，唔知你又會有啲咩感受呢。聰明嘅你應該估到最近有一件真人真事發生咗。

今次事件嘅主角係一個英國家庭，來自南約克郡羅瑟勒姆嘅凱利·凱瑟爾（Keeley Casewell），由塞浦路斯帕福斯乘搭Jet2飛機回程嘅時候，佢同行嘅親戚就發現係佢細女座位下方就有一堆嘔吐物，相信係上一輪乘客所留低嘅，呢一陣咁厭惡嘅氣味當然令到佢哋好唔舒服啦，當時Keeley 一家都覺得好難以置信，佢有曾經問過空姐可唔可以調位，但由於航班滿座，所以佢哋一家人就被迫坐係嘔吐物嘅附近。

最慘嘅係呢堆嘔吐物完全冇被清理過，只有一大疊紙巾鋪係上面，而紙巾幾乎就掂到Keeley 嘅女兒，Keeley 曾多次詢問過空服人員點解唔清理，但佢哋嘅回覆就係：如果清理嘅話，航班會延誤6小時。

結果Keeley的六歲女兒同親戚們都被逼係四個鐘頭機程中，同呢朕嘔心氣味共存，就算Keeley嘅丈夫提出幫忙清理毆吐物， 但都比空服人員拒絕，佢哋成程機就被迫按住個鼻，飛機餐都食唔落。

航空公司咁差嘅安排固然係難以置信，最慘嘅係航空公司亦都冇主動提出會有任何嘅賠償，真係有啲令人難以接受。