主頁 > 最新旅遊情報 > 【香港情報】 大埔深水埗將開十年首間新戲院 終於唔洗再跨區睇戲喇

【香港情報】 大埔深水埗將開十年首間新戲院 終於唔洗再跨區睇戲喇

香港去年嘅電影十大票房均以數千萬計,亦蓬勃起戲院業發展。係香港已經有7間戲院嘅UA院線就宣布,下年年初將會陸續喺包括青衣城, 近十年冇戲院嘅「戲院沙漠」大埔超級城,同「宅男聖地」深水埗黃金大廈開設3間新戲院。UA嘅新戲院亦將會成為深水埗、大埔近十年嚟首間嘅戲院。所以住喺深水埗同大埔嘅居民,終於可以告別跨區睇戲嘅日子喇!

UA公佈左,將係未來2年分別於深水埗、大埔、青衣開設三間電戲院;佢地話係優先考慮喺未有戲院嘅地區開新戲院,希望達到每區有戲院,照顧唔同地區居民需要。

青衣新院下月開幕

打響頭炮嘅會係明年2018年1月開幕嘅UA青衣城(UA Maritime),將設有6個影廳,提供600多個座位,仲配備D-BOX動感電影系統、杜比全景聲Dolby Atmos音響設備及雷射投影技術。

深水埗及大埔新戲院 分別係明年初 及 趕及第四季開幕

UA深水埗將會開設係 福榮街131至133號黃金大廈,預可以係明年上半年開幕,場內設有3個影院,合共提供超過300個座位。現時,UA深水埗嘅選址仍未動工,附近仍有電話舖、豐澤電器等營業,亦有已結業嘅餐廳等。但由於影院規模唔算大,希望趕及係2018 年農曆新年前完工。順利嘅話,大家就可睇完戲,再到農曆年限定的「桂林夜市」嘆街頭小食喇。

UA院線仲會進駐十幾年來被人叫做「戲院沙漠」嘅大埔,喺大埔超級城開戲院,預計興建4個影院,同樣提供超過300個座位,落成日期則為明年第四季或2019上半年。

90年代3家大埔影院並立

深水埗原先分別有黃金、京華、華聲、樂聲、影都、麗新等等戲院,但以上多間戲院相繼結業同清拆,區內最後一間戲院係專門播影色情電影嘅星輝戲院,最後都係2007年結業埋;

相信大家都知道,大埔在90年代是重點發展的新市鎮,所以整個社區都興旺起嚟,令此區90年代接連有「星輝」、「鴻基」及「銀星」3家戲院並立,可惜至2001年時,戲院業重點發展區似乎已移至九龍區,大埔人要睇戲,最近已經要到沙田UA戲院喇。其實係2008年大埔區議會曾經討論過將商場停車場改建做戲院,但發展計劃卻無疾而終。

所以,UA呢兩間戲院落成之後,將會係深水埗、大埔兩區近十年嚟首間嘅戲院。

 

戲院數量分佈極不平均

UA院線有限公司董事總經理黃嗣輝就表示,全港戲院數目係近年有上升嘅趨勢,現時大約有50間到,但戲院數量分佈極不平均,部份人煙稠密嘅地區卻近10幾年,連一間戲院都冇,好似大埔同深水埗咁,人口分別有約30萬及40萬。一直被評為「戲院沙漠」,冀來年新戲院計劃,為市民提供更多選擇。

更有團體係2015年曾為大埔進行過調查,結果反映區內居民對戲院需求殷切,作為院線營運者,會先考慮於未有戲院進駐地區開設新戲院,至少達到每區有戲院,希望可以照顧不同地區居民的娛樂需要。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

我只係一個普通嘅…香港人

進激的艾倫
我只係一個普通嘅…香港人
GOGOAdvise - Travel旅遊日記