主頁 > 最新旅遊情報 > 【香港情報】 香港18區美食大搜查 元朗有乜好食?

【香港情報】 香港18區美食大搜查 元朗有乜好食?

「我直入元朗,你老豆疊羅漢」有歌你唱,嚟到新界元朗,當然要食Man啲啦!元朗區歷史悠久,加上幅員廣大,孕育出百花齊放的小店同特色美食。大家可以參考下元朗人推介的必食Check List,一於入元朗食餐勁!

成記茶寮

日賣超過四百碟「極黑豉油汁豬扒飯」

成記茶寮以秘製「極黑豉油汁豬扒飯」聞名,甜香的豉油汁淋上厚切豬扒,大件夾抵食。老闆Ming哥就話一日賣超過四百碟豬扒飯的秘訣在於揀靚豬扒!佢通常選用每批豬扒貨源最頭的十至十二塊來用,難怪肉質嫩滑。豬扒用了紹興酒和糖來調味的濃黑豉油汁食落偏甜,有點像瑞士汁。

豬扒雖然很厚,但肉質非常鬆軟,相信是挑斷了筋部,令熟後不會變韌。加上煎得微焦,食落帶點脆口,超正!夏天去食有心理準備坐街邊熱辣辣,而冬天去又可能會吹風,不過為左美食值得去!

地址:元朗建業街街市地下C8號舖

永年士多

元朗必食車仔麵

由三代人經營的永年士多有「元朗必食車仔麵」之稱,士多仔已經變身成為摩登新舖。老闆在屯門自設二千呎工場出品自家食材,控制水準。一到食飯時間就要等位!

地址:教育路寶城洋樓號 2-4 號 地下

萬芳冰室

品嚐超級無敵大雞髀

始於1959年的萬芳冰室於近年捲土重來,薄荷綠色的店舖仍保持着懷舊色彩,最出名是可以做武器的超級無敵大雞髀,吸引不少年輕人慕名而來!雞髀真的超大份,用盡了雞上髀及雞下髀來炸,可謂貴得有道理。食落,雞肉頗嫩滑,但缺乏肉汁,大概是分量太大難以掌握吧。另外值得一提是紅豆冰,碎冰粒砌成面頭的雪球,慢慢融化在淡奶中,加上綿滑的紅豆粒粒,消暑一流!

地址:元朗建德街35-55號時景花園

Chef’s Stage Kitchen

區內必試西餐廳

唔好以為元朗呢區無咩靚西餐,其實呢度深藏不露。唔少人都話Chef’s Stage Kitchen CP 值高,食物同價錢都好合理,環境又好,無論係一大班人生日聚會還是2個人食餐好,都好啱要求。牛扒選料好,煮得啱要求,又夠大塊;食起嚟肉質嫩又唔韌,而且juicy,牛魔王一定好滿足!

地址:元朗西菁街23號富達廣場52-55號地舖

寿司の神

第2代小野二郎

小野二神係邊個?佢就係壽司之神喇!老闆係呢位日本寿司の神小野二郎嘅fans,因為受到佢嘅啟發,所以用紀錄片嘅名開咗呢間舖。老闆雖然唔係真嘅壽司之神,但都一樣專業。

舖頭細細,人龍老是常出現。老闆果然係「神」,整壽司就係用時令食材,咩嘢啱時候就用嚟即整壽司,夠新鮮!去到食咩就由師傅發板,呢啲服務先係神級嘛!

地址:元朗馬田路安寧大廈20-30B七號地舖

甜心鮮果園

芒果乜乜乜 連炒冰都得

好多人都好鍾意食芒果,芒果糯米糍、西米露、腸粉、布甸呀……呢啲都食厭咗,咁炒冰呢,食過未?芒果都可以炒冰?係呀!元朗一間甜品店就有得食芒果炒冰、榴槤炒冰……

芒果炒冰睇上去以為係蛋糕,點知原來係一大塊冰!食落去芒果味濃,好清新!加上芒果當造,夠曬甜!凍冰冰,食幾啖,個人醒神曬!咁大件,記得同friend一齊食呀!

地址:元朗安寧路紫荊樓2期138號地下

森 Sumore

新奇亂溝創意雞蛋仔

估唔到,平平無奇嘅雞蛋仔由香港街頭小食,之前搖身一變,竟然可以喺外面出沒,加埋雪糕,成為新一代呃LIKE 美食ICON!最最最令人意想不到嘅係,元朗一間店舖創意無限,唔只玩變味,仲玩亂溝!雞蛋仔有4款味揀,又可以加餡,仲有9款餡料揀,朱古力、芝士同紅豆蓉呢啲已經好普通,玩大啲嘅就有栗子、M&M’s、OREO、蜜糖同紫薯!有人整彩虹雞蛋仔呢!想試勻知道邊個最好味,慢~慢~啦~

地址:元朗又新街38號恆富大廈地下11c號舖

佳記甜品 (B仔涼粉)

無人不知的人氣糖水店

「佳記甜品」為老顧客開創的糖水甜品「B仔涼粉」,成了馳名香港的特色甜點,大盆盛裝多樣繽紛水果佐上仙草涼粉,堆疊成一座小山呈現華麗豐盛,視覺與味覺都被滿足了!

另外千萬一定要將胃空間保留一部份給店家的鹹食或滷水,獨特風味的「蒜茸香辣雞翼尖」吃過教人難忘,香辣夠勁的Q感雞翼尖,欲罷不能地一隻接一隻,實在好味。

地址 : 元朗教育路大坑渠側 / 元朗又新街置富中心7號舖


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記