1.0GOGOAdvise - Travel 旅遊日記https://gogoadvise.com.hk/travel我的旅遊日記https://gogoadvise.com.hk/travel/article/author/acc1-tungnamrich600338<blockquote class="wp-embedded-content" data-secret="q1ykF6GMM7"><a href="https://gogoadvise.com.hk/travel/article/48464">4個主題樂園鬼故｜深夜頭髮撩腳！鬼壓床！</a></blockquote><iframe sandbox="allow-scripts" security="restricted" src="https://gogoadvise.com.hk/travel/article/48464/embed#?secret=q1ykF6GMM7" width="600" height="338" title="“4個主題樂園鬼故｜深夜頭髮撩腳！鬼壓床！” — GOGOAdvise - Travel 旅遊日記" data-secret="q1ykF6GMM7" frameborder="0" marginwidth="0" marginheight="0" scrolling="no" class="wp-embedded-content"></iframe><script type="text/javascript"> /* <![CDATA[ */ /*! This file is auto-generated */ !function(d,l){"use strict";l.querySelector&&d.addEventListener&&"undefined"!=typeof URL&&(d.wp=d.wp||{},d.wp.receiveEmbedMessage||(d.wp.receiveEmbedMessage=function(e){var t=e.data;if((t||t.secret||t.message||t.value)&&!/[^a-zA-Z0-9]/.test(t.secret)){for(var s,r,n,a=l.querySelectorAll('iframe[data-secret="'+t.secret+'"]'),o=l.querySelectorAll('blockquote[data-secret="'+t.secret+'"]'),c=new RegExp("^https?:$","i"),i=0;i<o.length;i++)o[i].style.display="none";for(i=0;i<a.length;i++)s=a[i],e.source===s.contentWindow&&(s.removeAttribute("style"),"height"===t.message?(1e3<(r=parseInt(t.value,10))?r=1e3:~~r<200&&(r=200),s.height=r):"link"===t.message&&(r=new URL(s.getAttribute("src")),n=new URL(t.value),c.test(n.protocol))&&n.host===r.host&&l.activeElement===s&&(d.top.location.href=t.value))}},d.addEventListener("message",d.wp.receiveEmbedMessage,!1),l.addEventListener("DOMContentLoaded",function(){for(var e,t,s=l.querySelectorAll("iframe.wp-embedded-content"),r=0;r<s.length;r++)(t=(e=s[r]).getAttribute("data-secret"))||(t=Math.random().toString(36).substring(2,12),e.src+="#?secret="+t,e.setAttribute("data-secret",t)),e.contentWindow.postMessage({message:"ready",secret:t},"*")},!1)))}(window,document); //# sourceURL=https://gogoadvise.com.hk/travel/wp-includes/js/wp-embed.min.js /* ]]> */ </script> https://gogoadvise.com.hk/travel/wp-content/uploads/2022/08/4個主題樂園鬼故.jpg1000523相信不少人都有去過主題樂園或Staycation！大家有時又會不會咁岩撞上污糟野呢？ 今日小編同大家分享4個主題樂園鬼故！ 故事一）半夜廁所馬桶狂沖廁，睡覺時更感受到有頭髮撩腳？ 鬼門關開，有市民分享自身遭遇的靈異事件，去某主題樂園酒店時疑撞鬼，半夜廁所馬桶狂沖廁，睡覺時更感受到有頭髮撩腳，相當詭異。有網民猜測事發地點是這間套房！ 有網民於Facebook專頁「巴打絲打11鬼故台」投稿分享親身經歷，指日前入住某主題樂園酒店，為五歲女兒慶祝生日，在入住期間遭遇靈異事件，包括半夜廁所馬桶狂沖廁，睡覺時更感受到有頭髮撩腳，令她感到相當不安。 她描述事件經過，指自己：「本身我個人好醒瞓」，在半夜聽到廁所無故傳來多次沖廁聲，已經感到相當煩躁。當下她打算繼續睡覺，但未幾卻感受到有異物撩腳。她指：「我本能反應即刻縮入被入面，但我瞓覺習慣係一定要露隻腳出嚟，如果唔係我會瞓唔著，當我再伸隻腳出去嘅時候，又有嘢撩我隻腳，我即刻覺得唔對路」質疑自己遭遇鬼怪！ 當下她嚇到叫醒丈夫陪伴，並徹夜未再入眠。雖然當日已未有再遭遇靈異事件，不過她卻稱事發之後壞事不斷：「排隊搭的士永遠我排就好長龍，但排到我就後面一個人都無，跟住搭巴士又成日會送車尾！」 「重要明明預早咗時間返工，但最後都會因為無?而搞到遲到」，被同事建議要去廟拜拜。」 有網民懷疑該酒店房間為該酒店一間標誌性角色套房，相信該網民曾於所指房間發生類似經歷。亦有網民認為，按照事主描述，入住時曾要求大床房間，又不似套房房型，目前線索難以猜出事發位置。靈異鬼怪之說，信則有、不信則無，亦可能只是一場夢，無謂太多認真看待。 故事二）主題樂園酒店比鬼壓 早排啊媽生日打算係某主題樂園酒店玩返晚，加埋啊妹家姐，總共4個女性book一間房。本來都相安無事亦冇feel到啲咩，但到夜晚訓教個陣我feel到比鬼壓。 訓訓見到有個小朋友 ( 大約5 – 6歲 ) ，佢無啦啦係床尾突個頭上黎同我講:「係啊，又係我啊」「我又跟左你返黎。」之後我不斷掙扎起身，一掹大眼就已經天光啦。 起身之後我同佢地講返呢件事，先發現原來我家姐都成晚都訓唔到。另外當晚，我媽自己去左酒店舖頭買左對鞋仔比我妹着(8歲)，但返到屋企先發現買細左碼，所以我地推測「會唔會係嗰個小朋友想要」，因為記得佢個年齡同對鞋既碼數都完全吻合，加上我媽對碼數呢啲都好小心，一定買大都唔會買細，但就唔知點解今次會買錯左。 跟住我妹就話當晚酒店房部電話到收到個冇人出聲既電話。 不過呢一齊都可能係巧合啫。 但我地上網搵返個間酒店既鬼故事，原來都真係試過有個小朋友會搵其他小朋友去玩，諗返起真係好心寒，如果唔係發生係我身上我都唔會信，以後都唔會夠膽去個間酒店。 故事三）我見到   XXXX   企咗喺我側邊笑。。。 前排同男朋友買咗個Staycation套票，好開心好耐冇去過主題樂園玩，一去到就先去酒店check-in，間酒店房都幾大，周圍環境都好唔錯⋯ 咁之後就同男朋友入park，有睇show又行黎行去，之後玩左成日食埋野就好攰返咗去酒店瞓啦。一返到酒店啦都冇乜嘢，例牌行程當然同男朋友玩下啦～嘻嘻～由於辛苦左成日所以我同男朋友都好快瞓着⋯ 本身瞓咗都冇乜嘢，但我突然之間聽到有人敲我床板嘅聲，所以我就醒咗。但我醒咗之後一陣，咩動靜都冇，望一望個鐘夜晚三四點，我諗可能係隔離房郁動太大嘈到姐⋯咁就冇理繼續瞓啦！ 點知瞓一瞓，又聽到「咯咯」聲，我好燥底啦…但我一直冇擘大眼睛，我就係覺得好L煩想快啲瞓覺⋯點知啲聲越來越大聲，我真係忍唔住擘大對眼望我男朋友，但我見到佢仲係瞓得好林，當我轉個頭打側望返隔離，我見到一個小朋友企咗喺我側邊笑。 就好似嗰一瞬間連接到佢咁，我嚇到即刻嗌醒我男朋友開晒啲燈，不過我男朋友就叫我唔好自己嚇自己咩事都冇⋯但我覺得我一定係見到啲唔應該見到嘅嘢！ 故事四）暑期工 話說我曾經係香港某大主題樂園做左一個暑假，係商品部做左幾個月，平時都係執下貨企下，咁就一日。 咁啱我發生事個日，我既編更就係先去後勤區既一間只係接待員工既細舖，先做幾個鐘頭既執貨企場，收舖再轉去酒店繼續工作。背景交代完繼續，故事開始。 個日六點鐘左右，對員工既呢間細舖收舖準備埋數，因為我年資較淺，埋數既工作由我同事負責。當日收舖只有我同另一位同事，咁佢專心埋數，我就幫手熄冷氣熄風扇同鎖門。我做晒我要做嘅嘢之後企喺收銀處側邊睇住佢做嘢，無聊周圍睇下有冇野未做完，突然間有一樣嘢吸引到我既視線。 係同我冇幾遠既距離有幾件掛起左既T shirt，每件T shirt都有一個釘住係件衫吊住既價錢牌。個塊價錢牌自己轉緊。我以為自己眼花，點知真係冇人掂佢之下，自己轉黎轉去。 頭先講到既熄風扇熄冷氣係關鍵，所有能夠產生氣流既電器已經熄曬，舖入面只有我同另一位同事，到底係邊個轉個價錢牌呢？ 我拍一拍我同事，眼望住個個方向，佢都跟住我一齊望，佢同我微笑，急急腳埋完數走人。我一直以為呢個主題樂園既所有故事都係啲員工悶得濟，作啲野出黎嚇下自己人。到自己真係入左去做，先知好多故事都有可能係真。