3. 高知播磨屋橋：小到讓你懷疑人生的「橋」！行過都未必發現佢存在！
位於高知市中心，鮮豔朱紅的橋身讓它成為熱門的拍照景點。當地流傳的僧侶與女性之間的禁忌戀愛故事，正是以播磨屋橋作為背景，且在傳統民謠「夜來小調」歌詞中一路傳唱至今。
中伏實況： 日本「三大失望景點」之首。只是一條長約 20 米的紅色小橋，隱藏在馬路邊。好多遊客行過咗都唔知，回頭先發現：「吓？就係呢條？」
•網民狠批： 「我屋企樓下條天橋都長過佢。特登坐車去睇真係會想喊。」
•交通指南： 從 JR 高知站乘坐路面電車，在「播磨屋橋」站下車。
(圖片只供參考)
4. 長崎荷蘭坡：就係一條普通的「斜坡」！期待異國風情嘅你可能會覺得平平無奇！
長崎市東山手地區的著名石板斜坡，展現19世紀末外國人居留地的異國風情。舊時長崎人將外國人統稱為「荷蘭人」，故得名。
中伏實況： 期待異國風情，結果只是一條普通的石磚斜坡。周圍建築物一般，網民直言「香港大館或者中環啲斜坡仲有特色」。
•網民狠批： 「行到腳都軟埋，就係為咗睇條斜坡？我喺西營盤行算啦。」
•交通指南： 長崎路面電車「新地中華街」站步行約 5 分鐘。
5. 新宿 3D 三色貓：10 秒嘅視覺衝擊，半小時嘅等待
好多人專程去新宿站出口等睇嗰隻 3D 貓。但真相係：隻貓出現嘅頻率唔高，每次出現得 10-15 秒。你喺烈日或寒風下等半個鐘，就係為咗影嗰 10 秒。而且現場人山人海，你想搵個好角度影相其實好難。
中伏實況： 雖然 3D 效果震撼，但每次出現時間極短。為了等那 10 秒，你要在街頭吹風半小時。而且最佳觀賞角度得一個，其餘角度睇落去只係一隻變形嘅貓。
•網民狠批： 「等咗半個鐘，隻貓出嚟伸個懶腰就走咗。我睇 YouTube 算啦。」
•交通指南： JR 新宿站東口正對面。
(圖片只供參考)
6. 山梨忍野八海 : 濾鏡下的仙境，八海等於八個小池！
位於東京近郊的忍野八海，由東京市區前往約2小時，所指的八海就是八個小池。
中伏實況： 網上相片清澈見底，好有靈氣。現實係遊客多到好似旺角行人專用區，周圍充滿商業化嘅店舖，完全失去咗「世外桃源」嘅感覺。
•網民狠批： 「呢度唔係八個海，係八個水池。仲要係塞滿遊客嘅水池。」
•交通指南： 從富士急行線「富士山站」乘搭巴士約 20 分鐘。
(圖片只供參考)
7. 神戶六甲山夜景：香港維港夜景的「手下敗將」？睇慣維港嘅你可能會失望！
從大阪平原到和歌山方向的廣闊景色盡收眼底，晚上1000萬美元的夜景也在閃閃發光。 代表六甲山、摩耶山的夜景景點之一，被選定為“日本夜景遺產”。 建議日落前後30分鐘拍攝夜景是最佳時段。
中伏實況： 號稱「千萬美金夜景」，但對於睇慣維港嘅香港人嚟講，層次感不足，而且山上氣溫極低，交通極之不便，要轉幾次車先上到去。
•網民狠批： 「維港夜景贏佢九條街。喺山上吹到變豬頭，落返嚟仲要趕巴士。」
•交通指南： 從神戶市巴士「六甲纜車下站」乘纜車上山。
(圖片只供參考)
8. 鎌倉大佛：比想像中「迷你」的青銅像，影相打卡都唔夠氣勢！
高達13.35米（包括台座 )的「高德院鎌倉大佛」可追溯至13 世紀，是日本第二高的青銅佛像。位於江之電「長谷站」附近的高德院內，是一個標誌性的景點，也是關東地區遊客量最大的旅遊勝地。
中伏實況： 相片睇落去頂天立地，現場看其實不算大。加上周圍無乜遮擋，夏天去曬到爆。好多人話「影完相就無嘢做」。
•網民狠批： 「我以為有天壇大佛咁大，原來只係迷你版。排隊入場仲要錢。」
•交通指南： 江之電「長谷站」步行約 7 分鐘。
(圖片只供參考)
9. Team Lab Borderless (東京麻布台 Hills)：混亂的迷宮體驗
比起 Planets，新開嘅 Borderless 更加「迷幻」。但好多遊客反映入面設計太過混亂，完全冇地圖，好容易行嚟行去都係同一個地方，而且部分熱門房間排隊時間極長。如果你唔係對光影藝術有極大耐性，入去可能會行到發脾氣。
中伏實況： 新館雖然華麗，但動線極度混亂。人流管制不佳，好容易喺入面盪失路或者被人群推住走，想靜心欣賞藝術？難過登天。
•網民狠批： 「係幾靚，但入面好似難民營咁。盪失路盪到我火都起。」
館內面積約 10,000 平方公尺，需要長時間站立和步
•交通指南： 地鐵日比谷線「神谷町站」直達。
當然另一間teamLab Planets TOKYO 同樣被網民推舉中伏景點之一。以身體沈浸，赤腳體驗作賣點，但當中既Water Area 是需要在入館前將鞋襪全部除去，大家就像在一個萬人洗腳池內觀光，聽到都有畫面是一個洗腳水味道。
(圖片只供參考)
10. 沖繩 美國村 (American Village)：人造感極重，似大型商場多過景點
以充滿美式風情的造景和日落海景聞名，是熱門打卡點，美國村融合了美國與琉球飲食，異國料理或海濱酒吧。
中伏實況： 雖然有摩天輪同彩色建築，但整體感覺非常商業化，似一個巨大嘅露天商場。如果你係想睇沖繩自然風光，呢度會令你覺得好浪費時間。
•網民狠批： 「我去日本係想睇日本嘢，唔係想睇一堆假嘅美國建築。仲要好多舖頭都好貴。」
•交通指南： 從那霸市區乘搭 20、28 或 29 號巴士到「軍病院前」站。
(圖片只供參考)
11. 九州 由布院童話村 (Floral Village)：相片好靚，現實細到喊
歐式小鎮，是由布院必去景點之一，位在湯之坪街道旁的岔路上，是一處充滿歐洲風格的仿古村莊，風景像宮崎駿世界。
中伏實況： 網上相片拍得像哈利波特世界，好夢幻。現場其實只有幾間小店，5 分鐘就行完。而且遊客極多，想影張冇人嘅相係「不可能任務」。
•網民狠批： 「呢度係『童話村』？明明係『童話街』，仲要係得幾十米嗰隻。」
•交通指南： 從 JR 由布院站步行約 15 分鐘。
