旅遊の達人 安迪先生

【台灣情報】 台灣連署將「時區調快一小時」 想向日、韓睇齊 網民激讚

大家去旅行都知，日韓時區比香港快一個鐘，而台灣就同香港、大陸一樣。台灣目前所在的時區為GMT+8，而鄰近國家日本與韓國GMT+9，比台灣快一個時區，因此有網友在網路上發起連署，要將台灣時區調整至GMT+9，與日韓同步零時差，此舉也引來大批網友熱烈討論。 提案已係10月17日審核通過，只要在60天內有5000人連署，相關單位必須俾出回復，而聯署短短兩日就突破5,000人贊成，即係話台灣政府必項訂立議題並作出回應，國發會將係2個月內，也就係12月19日之前，交由主管單位（內政部或交通部）對呢項提案作出正式回應。 有唔少人就話將時區調快一個鐘，如果時區提早1小時，在冬季下班時間不會這麼暗，夏季可以更加善用日光時間，增加整體工作效率；不過亦有人話純為政治考慮，象徵性脫離中國更遠咁話。而相反有官員表示，如果台灣位於「同經度」，卻刻意同經度相近國家不同時區，可能造成未來溝通上既困擾。 講起轉時區，最有名就係薩摩群島（Samoa）於2011年突然宣佈更改時區，仲唔係單單調快調慢一、兩個鐘，係調快23個鐘，由全球最後一個跨年嘅國家，變成第一個跨年嘅國家，真係可以話為啖氣！ 反而南美嘅委內瑞拉，2007年就曾經調慢國家時間半個鐘，因為總統覺得小朋友起身返學時天都未光，覺得好危險，為咗人道理由，將時間調慢，等有日光出現先起身返學，呢個原因就比薩摩群島嚟得更有人情味喇！

立即閱讀

【沙漠情報】 動作演員Hidy余曉彤 帶你體驗100公里「沙漠跑」

動作演員Hidy余曉彤現時除了忙於拍攝主演的動作電影《辣警霸王花2》外，同樣熱心公益事務的Hidy，上月尾更應邀請到騰格里沙漠體驗沙漠跑的感覺，為了下年度舉行的騰格里沙漠與10位跑手加輪椅病童的100公里賽事作準備，為善事不遺餘力！ 是次活動極具意義，Hidy亦想藉此機會宣揚傷健共融的信息，她說：「今次活動我們既跑手有視障人士、聽障人士、自閉人士同刀片跑手等，不過佢地都有一個好強既能力，同樣都係一位好出色既跑手，所以我們都應該將佢地當作正常人嚟睇，呢個先係應有既正確態度！」 初次沙漠體驗，對人或對物，Hidy都有唔同領悟，說：「第一次去沙漠，沿途經歷左暴曬、大雨、風沙暴，仲有美麗既銀河星空。所有跑手訓係一個大既蒙古包，感覺好有趣！遺憾係隊友們都見到駱駝，而我只係見到很多駱駝既糞便。至於最感動係同我同行既一位自閉人士朋友，同佢跑左一小段，睇見佢克服所有痛楚同惡劣天氣去完成賽事，仲要一直默默地跑而冇半句怨言。」 幕幕深深體驗，Hidy話：「自己好鐘意做運動，運動左咁多年，自己都會諗係咪可以透過運動去為社會出多一啲啲力，今次可以為輪椅上既病童而跑，讓別人都有一個同自己一樣透過運動而感受既人生，相信一定比自己一個跑步更具意義！」

立即閱讀

【教學情報】 陳嘉容師妹楊曉穎 教你旅行相要咁影

楊曉穎 (英文：Sharon Yeung，1991年3月4號—)係香港模特兒，上海出世，而家係名模陳嘉容師妹，2012年入行。 楊曉穎喺2014年做咗中國小姐香港區冠軍，跟住代表香港參加全中國決賽，入圍10強，同贏到「最上鏡小姐」。2015年，佢做咗環球小姐香港區冠軍，代表香港參加環球小姐全國總決賽，同贏到「最佳風尚奬」，同年佢做咗世界民族小姐香港區冠軍，跟住代表香港去波蘭同82個國嘅代表參賽，但未有獎。楊曉穎喺2017年同另一位模特兒楊麗一齊推出首本寫真相集「不是?模」。 早前，Sharon 去咗塞班島，呢一個陽光與海灘嘅地方影相真係好靚! 塞班島（Saipan），美國北馬里亞納群島自由邦面積最大的島嶼，也是邦內近九成人口所在地。該島為珊瑚島，沿西海岸有潟湖，山脈南北延伸。最高點塔波查山海拔479米。 北馬里亞納群島自由邦的行政中心是塞班島的卡皮托爾希爾，但由于整個塞班島是一個單獨的市，所以大部分出版物把塞班島稱作北馬里亞納群島的首府。 塞班島位于北緯15.25度，東經145.75度，即關島北方200公里處。塞班南方（與關島之間）還有北馬里亞納的羅塔島和天寧島兩個有人島嶼，但塞班北方十多個島人口寥寥無幾。 楊曉穎 Facebook: https://www.facebook.com/sharonyeungg/

立即閱讀

【香港情報】 香港明年擬修例 全面打擊Airbnb 最高罰款提高至50萬或監禁3年

日本於今年6月9日通過《住宅宿泊事業法》，日本既業主可利用Airbnb等平台出租房間，以每年不得出租超過180日為限，預計最快下年就實施，為共享經濟拆牆鬆綁。 正當全球都興起Airbnb風，大家去旅行都多咗呢一個選擇之時，香港又再度諗住滯後喇！話說繼打擊完Uber之後，香港嘅創新科技局已經被唔少網界巨人狠批，不過低處未算低，近日民政署就話明，下年會修例，打擊無牌旅館。其實無牌旅館就不嬲唔合法，不過Airbnb其實唔算旅館，當係「民宿」，原本政府都無乜特別去打擊，但宜家開晒口話會連Airbnb都唔放過。 政府話，新例會加入環境證據，即係話如果該入處地點喺網上賣廣告、出示價目表、房間照片等，就已經係當「無牌旅館」，新例一出，所有本港出租Airbnb嘅都會納入「無牌旅館」之列，目前就有超過300間之多。署方就期望新例可以有效減輕牌照事務處舉證壓力，對無牌旅館真正既擁有人及同經營者提出檢控。經營無牌旅館的最高罰款會由20萬元增至50萬元，監禁期由2年提高至3年。新例亦會賦權民政事務局局長向法庭申請搜查令，姐係話，可以容許執法人員進入，或在有需要時強行進入懷疑無牌旅館。 唔少網民都反對呢個措施，覺得政府係行緊後波，同世界潮流成相反咁話。咁又係呀，酒店業近年牙痛咁聲，話少咗好多生意，加上Airbnb搶埋年輕客人，香港酒店業主聯會執行總幹事指出，係Airbnb出租房間以平價招徠，對四星、三星以下酒店影響最大，即使舉報成效亦不大，業界大致歡迎修例，政府唔做嘢保障下呢班大財團，都唔得啦。創新科技？慢慢等下啦香港人！  

立即閱讀

【日本情報】 姆明迷必到 東京姆明谷公園 秋天紅葉更顯童話味

姆明粉絲唔洗飛到去芬蘭咁遠既姆明村，相信唔少姆明粉絲都應該去過東京姆明cafe，其實位於距離東京1小時嘅飯能市有都一個姆明主題公園架﹗ 這個「姆明谷公園」，正式名稱爲「あけぼの子どもの森公園」，係芬蘭以外全球唯一一個被姆明作者 Tove Jansson 認可主題公園，其設計係以《姆明童話》中心思想－「與自然共存，尊重自我及自由」爲藍本，所以冇秋千滑梯等一般兒童遊樂場必備既設施。 園內設置了姆明之家（ムーミン屋敷）、兒童劇場（子ども劇場）、森林之家（森の家）、水邊小屋（水あび小屋）四個主要建築物。 姆明精靈的家 似個大蘑菇，裡面歐式家具及設施齊全，有廚房、客廳、火爐、起坐間、閣樓，還有地下室。脫了鞋子，小朋友跑上跑落。屋子太有趣了，有很多可以鑽進去小洞（如火爐口、小窗口）、暗室和秘密空間 森之屋 下層有小展覽；上層是個兒童閱讀閣啦！有好多繪本可即場借閱，看圖就好，不懂日文也行。坐下文青一番。 「あけぼの子どもの森公園」就係得三棟建築物同一間小橋屋仔，係咪覺得唔夠呢？ 日本嘅株式会社ムーミン物語同フィンテックグローバル株式会社就決定喺飯能市起多個全新嘅姆明主題樂園「metsä」，而且仲係免費入場。 「metsä」位於埼玉縣飯能市宮澤湖，分為可以同姆明同佢朋友見面嘅「姆明公園」(預定2019年全面開幕)，同預定2018年秋季開業嘅「metsä village」。 「metsä village」有市集、附設桑拿，可以望到宮澤湖嘅住宿設施，俾人享受大自然生活。 完全開放就要等到2019年，又係一個漫長嘅等待，而家唯有睇住宣傳片頂住先啦。 Youtube片段: https://youtu.be/9__CDJA3wmA

立即閱讀

【突發情報】 亞航客機急降2萬呎 空姐尖叫 乘客以為墜機

印尼亞洲航空（Indonesia AirAsia）客機週日（15日）險出意外，一架載有145名乘客、從澳洲飛往印尼的客機突然從3.2萬呎高空急墜至1萬呎，讓機上乘客飽受驚嚇，所幸飛機緊急返航，最後安全返回澳洲機場。 架航空編號QZ535的客機，於當地時間週日上午11時35分從澳洲珀斯（Perth）起飛前往印尼巴厘島（Bali），飛機起飛後約25分鐘，突然從32,000英尺（約6700米）高空下降到10,000英尺，機艙內乘客頭上的氧氣全都掉了下來，機組人員要求乘客做防撞姿勢。 澳洲當地媒體Perth Now報導說，當這個緊急情況發生時，機組人員亦顯得相當驚慌，尖叫及不知所措，讓機上乘客更加不安。有乘客拍攝到當時機艙內的情況，並上傳至社交媒體，視頻顯示機組人員不停向乘客高叫「快速繫上安全帶，快速繫上安全帶！」 乘客利婭（Leah）表示，已拿起電話發道別短訊給家人。她說：「我們差不多互相道別。」她指機務人員一味恐慌，卻把乘客蒙在鼓裏。她說：「一名空姐在走廊跑，我想：『她為何在跑？』之後氧氣罩掉下，所有人開始恐慌。但沒有人告訴我們發生甚麼事。」 幸而客機最終安全折返降落珀斯，乘客獲安排乘搭稍後的航班。亞航回應指，工程師正檢查客機，並就事件向乘客致歉，重申乘客的安全對他們至關重要。 Youtube影片: 當時乘客影片 https://www.youtube.com/watch?time_continue=29&v=KUOdlu6T6jU

立即閱讀

【香港情報】 日劇「恋する香港」全劇係香港取景 5樣香港令日本人驚訝地方

有留意開日劇嘅朋友，相信一定知道最近有一套日劇《恋する香港》就嚟咗香港為劇集取景，仲係第一套全劇都係香港取景嘅日劇添，演員陣容有小池榮子、吉澤亮、最上Moga同馬場富美加等。不過成班演員都話喺香港拍攝天氣十分之炎熱，有啲頂唔順咁話。其實好多日本人黎香港都會覺得好驚訝，就好似以下呢5件事咁。 1.香港又濕又熱 日本四季分明，每個季節嘅氣候環境變化都好唔同，相比之下香港四季濕度都好高，而且夏天溫度持續高企，難怪日本人會頂唔順。 2.廁所的乾淨情況 各位去過日本旅行嘅香港人， 一定對日本乾淨嘅廁所留下深刻印象，其實由於日本人大部份外出都會坐係廁板度，但香港人並無呢個習慣，所以乾淨程度自然同日本差一大截。 3.無入浴習慣 大家去日本旅行、應該都會留意到當地居民都習慣浸浴，所以大部份嘅民宿或者酒店都設有浸浴設施，但係香港就8成以上都係企缸，唔好話浸浴，想搵個闊少少嘅企缸都唔係咁易。 4.食野D骨直接放係枱 喺香港食飯，如果食物有骨但餐廳冇骨碟提供，香港人會直接放喺枱上，但係日本人就習慣咗放係自己碗上，而佢地食完絕對唔會將紙巾放入食器內。 5.有人會在公眾場所剪指甲 雖然並唔係大部份香港人都會咁做，不過有時搭公共交通工具好似地鐵、巴士，都會見到有人剪指甲，但係日本係就絕對唔會發生。

立即閱讀

【香港情報】 排名不分先後 挑選4位香港人氣空姐Instagram

好多人每次見到空姐啲Instagram，都會不禁發出「嘩, 又去旅行, 真羨慕!」「我都想去囉!」「又去呢o度, 佢就好啦!」。先唔好講咁多住，立即介紹返4位人氣香港空姐Instagram，唔單只可以睇下佢地去邊玩去邊食,，仲可以學下佢地點影旅行靚相﹗ 排名不分先後: j.csk https://www.instagram.com/j.csk/ tongcandy https://www.instagram.com/tongcandy/ bbooxlok https://www.instagram.com/bbooxlok/ ckalit https://www.instagram.com/ckalit/ 空姐呢份被好多人認為好爽既工作，的確，係十幾廿年前機艙服務員係係一份「高端」工作，從人地眼神就可得知你頭上多左個光環。不過隨著飛機旅行越來越普及，現在空姐已經變成左一份普通工作。呢幾年來各大小航空公司不斷削減空勤人員福利。 沒錯空姐的確係比一般人多機會外遊，但其實呢啲都有好多附帶代價既。同旅行唔同，空姐出勤係唔可以選擇航班地點同時間，只要有航班需要機組人員執勤時空姐就需要工作，哪怕係淩晨三時半起飛熬夜班，另外大時大節除非你事先排隊揀好AL (大節日AL quota好少，每年都要爭餐死)，否則就請你pack定行李返工喇！ 有時佢地見到朋友三五成群商量要去邊慶祝，而自己則孤零零地拖著大小黑上路果時真的慘慘豬！ 講到低，每一份工作都有好同壞方面，唔好只係睇工作表面既風光而忽略左背後既辛酸事呀。

立即閱讀

【教學情報】 機艙環境比沙漠更乾燥 空姐教你4個實用「空中護膚」招

好多人都唔喜歡搭長途機，除左長時間瑟縮在狹窄的座位外，更讓人煩惱或許係機艙乾燥感覺。一覺醒來，到洗手間照照鏡，先發現自己滿面出油，成個妝容都溶晒，非常嚇人。不過，推門出去一看，為什麼空姐們妝容仲係貼服得很？皮膚又沒有出油又沒有變乾，難道佢地係布簾後都敷面膜急救？ 答案當然唔係，不過空姐們到底如何係機艙內保持皮膚水份同狀態？不如聽下現役空姐分享喇！ 作好準備 空姐們其實很注重平日的護膚，每星期都會敷 2 至 3 次面膜，確保皮膚有足夠的水份。另外，上機時要準備好保濕乳液、保濕噴霧和潤唇膏等在手，一有時間或有需要時就為皮膚來個直接的保濕，不讓機艙的空氣抽乾臉上水份。 多喝水 多喝水當然也是必要的一環，有外國空姐推介綠茶、檸檬水或是加入薄荷葉的清水，同樣可以讓身體和皮膚有很好的補水效果。 為妝容打底 要妝容貼服不溶掉，妝容的根基就是重點。所以空姐們的妝容從來都不會缺乏妝前打底的環節，選用保濕成份較高的妝前乳液可以令皮膚為長效的妝容作好準備，不會輕易就有溶妝情況出現。 妝容重點 機艙的妝容其實很簡單，首先，要保持透薄和自然的妝感，因為過厚的妝容很容易會令毛孔阻塞，繼而導致出油。另外，雖然控油是你想達致的重點，不過不要瘋狂使用控油的產品，因為這類型產品通常會令皮膚較為乾，反而令問題嚴重。高度保濕的產品在這情況會比較合適，配合碎粉定妝，就很足夠了。

立即閱讀

【全球情報】 2017全球最惡劣環境3大機場 第三位有老鼠亂走 而第一位有…

機場係每位外地遊客接觸當地嘅第一道門，可以話機場嘅好壞，係會影響好多人對該地方嘅第一印象，要講好嘅機場呢，優質嘅機場管理人員當然唔少得，其次就係乾淨衞生，出入境流暢，人品人流都好咁就為之Very Good。早前外國旅遊網站就票投選出全球最惡劣環境3大機場，大家睇下係咪「實至名歸」。 第三位： 加德滿都國際機場 - 尼泊爾 又稱「加德滿都機場」，位於尼泊爾首都加德滿都。機場距離市中心約6公里，是尼泊爾全國唯一的國際民用機場，現在由尼泊爾民用航空管理局經營。機場是以已故尼泊爾國王加德滿都命名，每年處理乘客量超過三百萬人次。 非常擠擁嘅機場，機場填滿人，仲有手掌大嘅老鼠四圍走動，被笑言似貧民窟多過似機場。室內空氣非常差，無冷氣不特止，仲四處係食煙嘅人，人人都想早啲離開。 第二位： 吉達機場 - 沙地阿拉伯 機場於1974年開始建設，於1980年竣工，最終於1981年5月31日啟用。機場以其世界上最大的朝覲航廈聞名於世，每年來自全球各地的伊斯蘭教朝覲者經由此機場中轉前往麥加。 長期「塞人」，因為職員散漫，行動龜速，導致排隊出入境長期人滿為患。機場地上滿佈積水，非常骯髒，加上機場長櫈不足，四處都係瞓地下嘅人，好令人擔心。 第一位： 伊斯蘭堡機場 - 巴基斯坦 是一座位於南亞巴基斯坦旁遮普省的國際機場，其主要為伊斯蘭馬巴德、拉瓦爾品第的對外國際新門戶。該機場預計於2014年完工，以取代日漸飽和的伊斯蘭瑪巴德貝娜齊爾·布托國際機場。 整個機場都係小販同四圍拉客嘅的士司機；加上全部機場官員都係貪污，例如唔畀小費就會強行打開你行李檢查；加上機場超級多人，未入得去嘅人要喺超高溫嘅室外度乾煎。

立即閱讀