【香港情報】 免費消防嘉年華｜3月帶小朋友化身小小消防員

三月週末唔知去邊好？香港消防處聯同各區民政事務處舉辦一系列消防嘉年華及開放日，全部免費入場，小朋友仲有機會化身小小消防員！

香港消防處舉行的防災應急活動一向都深受大小朋友歡迎。（圖片來源︰香港消防處Facebook）

東區防火應急嘉年華

日期：3月1日（星期六）

時間：下午2時至5時30分

地點：愛秩序灣公園

活動包括應急準備教育、舞台表演、攤位遊戲，仲有消防車輛及工具展示，可以近距離觀察各種消防裝備。

南區應急教育日

日期：3月8日（星期六）

時間：上午10時30分至下午4時

地點：薄扶林消防局及救護站（薄扶林道789號）

特別設有逃生體驗區，讓小朋友親身體驗火警逃生程序，學習緊急情況下的正確應對方法。同樣有車輛工具展示同攤位遊戲，寓學習於娛樂。

小朋友可以玩咩？

• 穿上消防制服，體驗做消防員嘅感覺

• 觀看消防操練示範

• 了解消防調查犬嘅工作過程

• 透過互動遊戲學習防火安全知識

呢啲真實體驗比課本知識更加深刻，有助培養小朋友嘅安全意識同應急反應能力。免費活動機會難得，記得mark實日子，帶小朋友過一個有趣又有意義嘅三月啦！