【香港情報】 暑假限定｜由耳朵玩到舌尖 森林點心派對演唱會

暑假想同小朋友去一個又有得聽、又有得食，仲可以瘋狂打卡嘅親子活動？

這個《海雲天 × 天晴童謠 × 文生哥哥 | 森林沉浸式點心派對演唱會》，體驗真係充滿驚喜，絕對係今個暑假最難忘嘅親子時光！

活動最特別嘅地方，係將音樂、點心同互動完美結合！一入場，海豚妹已經急不及待化身成森林小動物投入其中。現場有文生哥哥、波波姐姐，仲有天晴童謠嘅大型 Mascot 同大家互動，氣氛超熱鬧，小朋友嘅投入感極高！

經典兒歌大合唱

現場唱足多首經典兒歌，包括《點心歌》、《揸筷子》以及《媽媽帶我去搭叮叮》。當熟悉嘅旋律響起，海豚妹即刻跟住唱，作為家長嘅我都唔自覺一齊投入，感覺好溫暖。而最令小朋友興奮嘅，莫過於現場設有「兒童專屬星光 Catwalk 舞台」，小朋友可以自信滿滿咁上台表演同影相留念，絕對係滿分嘅打卡位！

🍱「由耳朵玩到舌尖」的滋味

玩完音樂派對，梗係要滿足埋個胃！活動包含豐富嘅家庭點心套餐，糯米雞、灌湯餃、芋角、蝦餃、燒賣、叉燒腸、馬拉糕，仲有西炒飯同炒米粉，款式豐富又好味，真係由耳朵玩到舌尖，一次過滿足視覺、聽覺同味覺嘅五感體驗！

暑假加場資訊

如果你都想帶小朋友過一個有儀式感又充滿歡樂嘅假期，呢個活動絕對值得推介！

活動名稱：《海雲天 × 天晴童謠 × 文生哥哥 | 森林沉浸式點心派對演唱會》

加場日期：8 月 15 日及 16 日

時間：1:30-3:30pm

地點：黃埔海逸君綽酒店2樓 海雲天

價錢：1大1小親子票 (包點心) $650 ｜2大1小家庭票 (包點心) $960

報名建議：機會難得，家長們快啲報名，帶小朋友一齊嚟體驗呢場「森林點心派對」啦！💛

#親子好去處 #暑假活動 #森林點心派對 #海雲天 #天晴童謠 #文生哥哥 #沉浸式體驗 #親子演唱會 #打卡 #五感體驗 #親子日常

推薦文章：