【航空情報】 聯營航班暗藏危機 「代碼共享」要小心

航空公司間有代碼共享安排，提供聯營航班服務，惟消費者要小心售後跟進服務差異。旅客林先生透過國泰航空官方網頁，購入香港來往北京的經濟客位機票，其中回程航班屬國泰與中國國航的共享代碼，由國航營運航班。

林以為聯營航班與國泰航班的安排無異，不過在回程當日，航班因北京天氣惡劣而臨時取消，國航櫃枱大混亂，國泰則以聯營航班由營運一方負責，拒絕伸出援手。林先生最後要另買國泰單程機票回港，形容如遭國泰「賣豬仔」。

代碼共享安排令航空公司可以提供聯營航班服務，相信大家都對於呢一個政策唔會陌生，代碼共享安排嘅原意係令到航空公司係一啲冇自己航線嘅地方都可以同一啲合作航空公司提供航班支援，可能係短途嘅轉駁服務，理論上對於客人來講影響不大，不過其實呢一種代碼共享安排背後有好多隱藏性危機， 大家真係要小心。

其實同樣嘅情況係外國都有發生，好似英國航空都會同一啲航空公司有共享代碼安排，不過最近亦都有外國嘅網民分享乘搭英航嘅共享代碼航空係美國航空公司，同樣地航班取消之後英國航空唔會為此負責，由於美國航空公司並唔係屬於喺歐盟嘅法律之下，所以美國航空嘅賠償遠遠比英國航空低，網民最後又係被迫自掏腰包再買機票，仲要遲咗20個鐘先去到目的地。

所以呢啲代碼共享安排真係要小心，尤其係唔同航空公司對於班機延誤取消嘅賠償政策都好唔同，所以唔好俾班機號碼呃咗啊。

代碼共享小資料

代碼共享，code share或者code-sharing，係指航空公司聯合營運既航班。有時候我地坐緊一班飛機，你可能會見到航班會有多過一個航班編號。

咁代碼共享航班又可以點分？其實代碼共享航班一般分為兩種類型營運方式：承運航空公司以及銷售航空公司。承運航空公司（Operating Carrier）係指用自己航空公司執飛航班；至於銷售航空公司（Marketing Carrier）唔會由自己執飛實際航班，但佢會以另一航班編號作售賣機票。以圖為例，如果你係係CA購買呢張CA118既機票，你坐既航班將會由CA營運。但你透過KA購買1118既機票，你坐既航班將唔會由KA營運，而KA只係負責賣飛，所以最終你都係要去CA checkin counter，乘搭CA既航班。

一般見到航班既第一個編號，通常都會係負責承運航空公司，之後既編號則會係銷售航空公司。同一航班中，銷售航空公司可以有多於一個，有時候可以係兩至三個。而承運航空公司同銷售航空公司兩者既編號可以係有關連，例如圖中既承運航空公司CA118，佢既銷售航空公司則為KA1118。當然呢d都只係例子，航班編號亦可以毫無關連都得，視乎返航空公司既協議啦。