【台灣情報】 想脫單成功？ 台灣6大超靈月老廟

2017又得番2個多月啦，你仲係毒自一個？見到有伴的朋友係 FB、IG 上大放閃光，你係咪都會有啲羨慕嫉妒？唔洗擔心！以下就為大家整理咗台灣必拜月老廟同拜月老嘅正確流程，等大家今年脫單成功。不過拜完記得要還神啊，到時又多個可以出遊的好理由啦！

台北萬華龍山寺

全台大大小小廟宇香火鼎盛，其中萬華龍山寺嘅月老廟喺網上嘅討論度就甩咗其他廟幾十條街，堪稱係全台北最靈！其實龍山寺係大廟，主祀觀世音菩薩，神明眾多，喺請月老神君幫忙之前要先依照順序拜完主神，一般會由右邊開始拜起，月老廳就喺左側，同關聖帝君殿嘅眾多神明共用一個香爐。據說三十年前第一代嘅月老金身被偷走，所以我哋依家見到嘅月老像係復刻版，但安座之後都係一樣咁靈㗎！

地址：10853台北市萬華區廣州街211號
開放時間：07:00 – 21:30

台北霞海城隍廟

霞海城隍廟喺迪化街內，月老廟以「快速」、「效率」配對而聞名。網上面好多網友都曾分享自己嘅經歷，聽講只要誠心求神，喺三個月內就可以有好姻緣，除咗月老靈之外，霞海城隍廟本身都係三級古蹟，古雅嘅建築曾經吸引日劇花嫁のれん（花嫁之簾）喺呢度拍攝，令到呢度變得更加人流不絕。

地址：103台北市大同區迪化街一段61號
開放時間：06:16 – 19:47

台中樂成宮

台中樂成宮位於台中市東區早溪街，有超過260年嘅歷史，創建於清乾隆18年，被評定為三級古蹟，主祀媽祖。而樂成宮嘅月老星君最特別嘅除咗係幫手牽紅線之外，相傳求復合都好靈，仲可以幫無緣情侶斬斷桃花！

地址：401台中市東區旱溪街48號
開放時間：06:30 – 17:30

日月潭龍鳳宮

日月潭月老廟都係經常上榜嘅月老廟，呢度特色係廟祀嘅周圍掛滿咗信眾祈求姻緣嘅吊牌，聽聞好多朋友喺度拜完之後，唔夠半年就脫離咗單身苦海，超級靈～

地址：555南投縣魚池鄉中山路292號
開放時間：06:00 – 21:00

鹿港天后宮

係南台灣聲名遠播嘅古老大廟，庇佑彰化四百年，月下老人自然非常之準，香客年年川流不息。除咗姻緣之外，喺度亦都可以順便拜埋事業、健康，求個保平安。

地址：505彰化縣鹿港鎮中山路430號
開放時間：06:00 – 22:00

台南大天后宮

台南完全就係拜月老集中地！台南大天后宮係府城四大月老廟之一，每年撮合成300對情侶，據講特色係為愛情加溫，適合情侶一齊去，令彼此感情更加穩定，當然仲單戀緊嘅都可以去求條紅線。

地址：700台南市中西區永福路二段227巷18號
開放時間：05:30 – 21:00

資料來源：KKday Blog – 【七夕脫獨攻略】全台月老廟大搜查
▲認識KKday▲
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。
關注KKday社交平台動向：
▲KKday 網站 ▲Facebook ▲Instagram ▲YouTube ▲旅友討論區