【英國情報】 2017英國年度最佳酒店出爐 剩係睇外型都已經冇得輸

對於成日去旅行嘅人來講，適合嘅酒店對於旅程來講係好重要嘅一部份，有啲人會覺得酒店最緊要間房夠張床夠舒服，但係有啲人可能就會有更加多嘅要求例如酒店嘅設施夠唔夠多元化或者嘢食係咪好味，所以唔同嘅地方都會有一啲評分機構選出每年服務水準最高嘅酒店俾遊客參考，2017年英國全國嘅酒店評選結果就新鮮出爐，想知就一齊嚟睇下啦。

1.年度英國最佳酒店

Gainsborough Bath Spa成為咗全英國最佳英國酒店嘅榮譽，Gainsborough Bath Spa水療中心係19世紀已經建成，呢座位於世界文化遺產中心嘅酒店暨水療中心擁有兩座二級標準建築，仲有格魯吉亞同維多利亞風格嘅外牆，難怪成為國內同國際旅客嘅五星級之選。

2.倫敦年度酒店

The Goring唔單止取得咗AA酒店評級，而且同白金漢宮相連，夠晒氣派。作為世界上第一間每間房都設有暖氣服務嘅酒店，就連英女王阿媽都係佢嘅fans，有幾好大家都想像得到啦。

3.北愛爾蘭年度酒店

The Old Inn酒店被位於班戈海濱小鎮郡下海倫灣附近，歷史十分悠久，酒店由茅草建成嘅部分形成於公元1600年左右，而且同一般走豪華高檔路線酒店唔同，有着一種獨特嘅小鎮風情。

4.蘇格蘭年度酒店

位於Aboyne嘅Douneside House 成為咗蘇格蘭嘅年度酒店得主，主樓位於阿伯丁郡嘅MacRobert Estate，設有14間精致客房，而且設計靈感來自蘇格蘭高地， 可以話係體驗蘇格蘭風情嘅不二之選。

5.威爾士年度酒店

威爾士年度酒店由St Davids嘅Twr Y Felin Hotel酒店以出色設計加上優秀配套奪得。Twr y Felin酒店位於距離聖戴維斯（St Davids）市中心同6世紀嘅聖大衛大教堂（St David’s Cathedral）只有數百米，距離彭布魯克郡海岸路（Pembrokeshire Coast Path）同Caerfai Bay海灘亦只有10分鐘的步行路程，係地理位置方便佔盡優勢，加上酒店內部設施豪華，難怪成為贏家。