根據轉會專家Fabrizio Romano 最新消息，葡萄牙國家隊🇵🇹教練費蘭度山度士將會係未來幾日被炒。
山度士接受訪問表示「我聽日就會飛返去葡萄牙里斯本。之後，我將會同葡萄牙足協主席高美斯傾下，呢個都係我哋一直以來嘅做法，我哋將會傾吓有咩方法對葡萄牙國家隊未來係最有利。」
山度士係2014年世界盃完咗之後就正式成為葡萄牙國家隊教練，呢位教練係2016年帶領葡萄牙贏到歐洲國家盃，而去到2019年又贏到歐洲國家聯賽冠軍，眨吓眼執教咗球隊八年。
而另有消息指C朗有機會留低國家隊直至2024年，即係話世界盃並不是C朗拿度的Last Dance～ 亦都代表葡萄牙足協，可能在二選一的情況底下，寧願留下C朗。
今屆卡塔爾世界盃，已經是C朗第五屆代表葡萄牙出戰世界盃， 可惜5戰世界盃都未能實現冠軍夢。今屆更受曼聯事件影響，無法全心專注比賽。加上年紀漸長，佢狀態未必及佢巔峰嘅時期，不過他比起其他球員都有一定嘅水準， 絕對是葡萄牙不可缺少的領軍人物。
葡萄牙喺世盃8強意外不敵摩洛哥出局，C朗拿度嘅世盃夢亦告幻滅。呢位37歲一代巨星與家人乘私人飛機離開卡塔爾前，喺社交網發表感人文章回應世盃悲情之旅。對於佢喺葡萄牙國家隊嘅生涯，C朗表明將會喺冷靜後先作出決定，未有排除結束國際賽生涯嘅可能性。
C朗喺社交網發文話：「為葡萄牙贏得世界盃，是我足球生涯最大夢想。幸運地，我在國際舞台贏過不少冠軍，包括為葡萄牙奪標，但世盃冠軍始終是最大夢想，為這個夢想我一直戰鬥。過去16年，我有入球的5屆世盃，身邊一直有偉大球員及千萬葡萄牙人民支持，我竭盡所能地比賽，從未試過逃避戰鬥、從未試過放棄夢想，不幸地這個夢想在昨天完結了……」
外界普遍認為C朗嘅葡萄牙國家隊生涯將會完結，而呢位國際賽史上最多入球嘅球員未有否認，C朗表示：「在這個熾熱時刻作決定是不智的，我只想所有人知道，即使近期有不少閒言閒語，我對葡萄牙的忠誠從未動搖，我絕對不會背棄隊友和國家。現在沒有甚麼好說了，多謝葡萄牙、多謝卡塔爾。在一切完結前，夢想總是美麗的……現在是時候聆聽良好的意見，每人作出自己最後的結論。」
即是話C朗亦沒有確定會離開國家隊， 雖然字裡行間暗示自己不會再參與下屆世界盃，但會否離開國家隊仍未有明言，還有一絲希望呢！ 畢竟佢現在嘅身體仍然處於頂級嘅水平，加上佢嘅經驗，有機會能夠堅持到18個月後嘅歐洲國家盃。 當然希望C朗在冷靜後才作出決定，是否繼續留喺葡萄牙國家隊踢國際賽。
意大利名宿恩沙基表示，明白C朗嘅心情，直言大部份球員都難以接受年華老去。C朗贏盡榮譽，但時間不饒人，37歲了，在世界盃出局後淚灑球場，而且最後兩場被貶為後備，加上早前與曼聯解約，令人懷疑他或就此掛靴。
恩沙基：「我總是說，我們很難停止，很難接受走到盡頭，我們每個人都經歷過。你永遠不知道之後會有甚麼等待著，你正在做的事情給你帶來難以挽回的情緒。」恩沙基在球員時代於AC米蘭踢至39歲，退役後立即執教A米U17，「教練不容易處理我們。幸運的是，他們讓我停下來了，我本可在39歲時繼續踢，但有些球員值得從高水準退下來。」
有好幾個球員都表示今屆可能會是他們最後一屆世界盃， 包括巴西嘅利馬、阿根廷嘅美斯、克羅地亞嘅摩迪⋯⋯其實留意番佢哋嘅訪問，並唔係話自己體力上做唔到，而係心很累，如果並唔係雄心壯志，呢班大哥可能都未必會再踢國家隊。始終賽季中，正常年紀較大的球員更應該好好休息，從而做好恢復和養傷。而C朗拿度即使有心去等到2024年嘅歐國盃，問題在於嚟緊他會在什麼球隊踢聯賽。需知道要維持最頂級嘅水平， 最好保持在頂級嘅聯賽有出場嘅機會。如果他只是去了二三流嘅聯賽，並不能繼續留喺英超、西甲等地方，到2024年佢嘅狀態或許只屬一般。
據報C朗因早前接受名嘴皮爾摩根專訪事件與經理人文迪斯鬧不和，故在找新東家一事上C朗交由私人顧問利古菲去處理，不欲文迪斯插手。C朗已經改派私人顧問利古菲專責處理其轉會事宜，無需文迪斯再協助。然而C朗一直與卡塔爾高層保持良好關係，外間估計他的新東家很有機會來自卡塔爾或沙特阿拉伯的球會。
卡塔爾世界盃期間，沙特阿拉伯球會艾納斯曾向C朗開出一紙為期兩年半，總值五億歐羅（約四十一億港元）的合約，當時是由文迪斯全權負責商討。
葡萄牙國家隊下一項賽事，將是歐國盃外圍賽，身處J組的葡萄牙將會在3月份兩戰列支敦士登，到時C朗會否繼續為葡萄牙披甲？ 等到時候自有分曉。
我喜歡旅行遊歷世界各地 更喜歡分享見聞！
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
