【日本情報】 「重口味」馬桶造型最中餅 幽默打卡手信之選

去名古屋，唔一定淨係買陶瓷，呢款 「馬桶最中餅」 絕對係令人一見難忘嘅創意手信！

愛知縣常滑市老字號「大蔵餅」推出嘅「馬桶最中餅」。呢款和菓子將傳統最中餅嘅糯米餅皮做成超像真嘅馬桶造型，連馬桶蓋都可以掀開。最衝擊嘅係，食客要親手將獨立包裝嘅紅豆餡擠入「馬桶」裡面，見到紅豆蓉瀉出嚟嘅畫面，難免令人產生無限聯想。店主仲好幽默咁提醒：「擠嘅時候千萬唔好用螺旋狀啊。」

雖然明明知道係紅豆餡，但放喺馬桶造型嘅餅皮入面，好多日本網友都直呼「冇食慾」，但又會鼓起勇氣咬一口。撇開視覺衝擊，其實餅皮酥脆有米香，紅豆餡甜而不膩，味道本身唔差。呢款手信可以話係「朋友聚會嘅話題神器」，送俾人，對方嘅反應絕對係亮點；自己食，就要考驗你嘅心理質素同幽默感。正如報道所講：「這樣的像真度可以不要嗎？」但正正係呢種玩味，令佢成為名古屋一帶獨一無二嘅打卡手信。

由老字號 「大蔵餅」 出品，外層係用糯米粉烘烤而成嘅最中餅皮，口感酥脆帶淡淡米香。最搞笑嘅係 —— 餅皮整成迷你馬桶造型，而且真係可以掀開蓋，像真度極高！

內餡附上獨立包裝嘅紅豆餡，可以按自己喜好擠入「馬桶」內，份量自由控制。想玩創意嘅話，仲可以加入朱古力醬、抹茶醬等其他餡料。

雖然造型令人有無限想像，但味道絕對唔差 —— 紅豆餡甜而不膩，配脆脆餅皮，意外地夾！

小貼士：獨立包裝，最啱拎返公司派俾同事，保證大家笑住搶住食！

購買資訊

地址：愛知県常滑市鯉江本町2丁目2−1

（圖片來源：IG @tokyopass）