【著數優惠】 越早訂越貴？！顛覆觀念！提早4個月訂酒店反而貴 44%？

平時去旅行，大家係咪習慣一早 plan 定行程、提早幾個月就訂定酒店，覺得咁樣實最抵？

Sorly，我哋可能一直都做錯咗！ 🤦🏻‍♀️

全球知名訂房平台 Hotels.com 最新公布嘅「2026酒店房價指數」報告投下咗一粒震撼彈，數據直接打破咗「越早訂越平」嘅傳統迷思。一齊睇吓呢份報告有邊幾大顛覆認知嘅重點，下次訂房照住做，分分鐘慳埋返嚟買手信！

顛覆觀念！提早4個月訂反而貴 44%？

好多人以為 Last-minute（最後一刻）訂房實會被「撳住嚟砌」，點知數據顯示：

📉 「早鳥」變「水魚」？ 在出發前 4 個月以上就預訂住宿嘅旅客，房價竟然比入住前 1 星期內才搶訂嘅，足足貴咗 44%！

⭐️ 四星級酒店最明顯： 如果你打算住四星級酒店，臨入住前先訂，平均可以慳返 36% 嘅費用，絕對係「遲到好過早到」！

精明眼：執平房要睇「星期幾」同「邊個月」！

除咗提早幾多日訂有學問，原來連「星期幾」落單、邊個月份出發都有得分：

想去韓國住五星級酒店？荷包要夠厚！

報告亦提到了唔同星級酒店嘅差價。如果你想喺旅程中對自己好啲，由四星級酒店升級去五星級酒店：

🌍 全球平均差價： 大約只係相差 39%。

🇰🇷 南韓特別貴： 喺韓國想升級住五星級，轉會費居然要加足 113%（成一倍有多）！

小貼士： 如果你預算得每晚 $1,973 港元（約 38 萬韓圜）以下，但又好想享受五星級酒店嘅奢華服務，報告建議大家可以轉戰東南亞國家！

例如：越南芽莊、馬來西亞吉隆坡、菲律賓馬尼拉、印尼雅加達同泰國曼谷，呢啲地方嘅五星級酒店性價比極高，絕對可以用平民價過貴婦生活！

雖然數據話俾我哋聽 Last-minute 先訂房最抵，但小編覺得呢招比較啱啲「話走就走」、對住宿冇特定要求嘅獨行俠或者情侶。如果係一家大細旅行，或者心目中非住某間網紅酒店不可，咁就可能未必敢博到最後一秒先訂啦！

你又屬於「神早 plan 定派」定係「Last-minute 執平貨派」？

#旅遊攻略 #訂房攻略 #Hotelscom #平價酒店 #旅遊優惠 #自由行心得

★不想錯過任何旅遊優惠資訊？加入【我想去旅行優惠群組】★