唔少香港人去旅行，都會狂掃藥妝護膚品，除了日本、韓國，台灣都有不少優質土炮品牌，加上台灣女生同香港人的膚質相近，護膚品都相對會更適合。編輯部精選了15大台灣出品的好用品牌和產品，不過每人膚質都不一樣，買之前還是要看清楚！
1. 化妝新手必買 Miss Hana
台灣最平價最抵玩的化妝品，一定非Miss Hana花娜小姐莫屬！彩妝部分應有盡有：遮瑕、眼線筆、唇筆、粉底，唔少台灣bloggers都介紹係化妝新手必入品牌。當中最多人推薦的眼線筆，一支平平哋NT199，易畫之餘又防水，夏天玩足一日流晒汗都唔怕！而旋轉眼線膠筆當時一推出，即引起搶購熱潮！每次推出新品都會緊貼潮流，陸續推出坊間大熱的透明花瓣唇膏、彩色Highlight Pen。而最近仲同CHOO CHOO CAT 合作，可愛包裝加分不少！
2.「膜」界之王 Hanaka
Hanaka花戀肌最特別的，係有齊所有身體上需要護理的「膜」類產品，包括片裝面膜、凍膜、足膜、髮膜、手膜、下巴膜、唇膜，想敷邊度都得！當中最暢銷的一定是凍膜系列，凍白煥膚面膜杏仁兵及凍亮掃黑面膜炭長只需敷約30分鐘，就可以同時具亮白及保濕功效。
3. 美妝達人創立 1028
台灣美妝節目非常多，《女人我最大》、《美人秘笈》等節目上常見的美妝老師，近年都開始自設品牌，口碑相當不錯的1028，就是由小凱老師所開。彩妝系列價錢不算太貴，持久型眉筆、CC Cream、睫毛膏大約在一百左右，有唔少台灣藝人都大讚面膜亦受歡迎，一盒5片價錢大約是NT199-299，以台灣物價來說唔算超值，好在康是美、屈臣氏時不時有買一送一優惠，加上非常好用，所以回購率很高。好另外，洗臉、卸妝系列都很受好評，不傷皮膚的賣點絕對可以吸引許多人！用！
4. 妝前保養霸主 BEVY C.
重視妝前保養的BEVY C.是台灣的本地品牌，但吸收了日、韓的技術，產品強調保養方法要簡單又方便，啱晒繁忙的香港人！護膚系列齊備各種功效，保濕、美白、抗老樣樣都有，最好用的首推妝前保濕精華，化妝之前輕輕一拍，就可以令妝容更加貼服，話咁易脫妝！
價錢來說認真唔平，35ml的妝前保濕精華就要NT1,500，用多少少都會心痛！不過功效的確不錯，如果撞正皮膚狀態唔好，可以急救一下！BEVY C. 推出的化妝品非常重視成分，不會對皮膚帶來傷害，強調輕、薄、自然，以及有高防曬可以保護皮膚。想日日化妝皮膚都唔會變差，不妨一 試！
5.平價護膚品牌 自白肌
分別由范瑋琪、張鈞甯等台灣自然系藝人代言過的自白肌，幾年前引入香港後，即時有好多人搶購。但依家唔係好多地方搵到，去親台灣都要掃番幾支。自白肌的產品選擇其實唔多，洗臉、化妝水、精華、乳液、防曬都滿足到平時的基本護膚，重點是價錢非常便宜，大大支化妝水只需NT289，用足一季都未必用得完！
6. CP值最高 Solone
化妝品好用當然重要，但唔少人最在乎的始終都係價錢！Solone 就係一個超平超抵用的國民品牌，幾乎所有產品都係100有找，買開記得儲多幾件用足幾年！王牌防水眼線膠筆NT149，旋轉眉筆都只係NT199，仲有買一送一優惠！可能200蚊都唔使，就已經能夠化晒成個妝！而且網友分享用後感，表示通通又平又好用，唔會只得個平字。
7. 天然成分保養品 廣源良
講起廣源良，相信好多精打細算專買平嘢的香港人都會知，早幾年佢嘅綠豆粉、絲瓜水都非常出名，一支份量超多，用的時候完全唔使慳住慳住！大熱產品綠豆粉一大罐都只係幾十蚊，有唔少暗瘡肌、角質層太厚的人都會加水厚敷再按摩，好快變番又白又滑！
不過近年改咗設計，變成一包包獨立包裝，雖然衛生啲，但份量少咗又貴咗！菜瓜水同樣係廣源良的鎮店之寶，一噴就會有自然又保濕的感覺，唔少人都會當面膜用，厚敷皮膚立即會變得超水嫩！蘆薈凝露係好多人一曬完之後的急救產品，皮膚即時會得到舒緩，冇咁易曬傷！
8. 經典黑面膜 Sexylook
台灣面膜品牌多到數都數唔完，其中Sexylook 最出名的黑面膜，一敷完就有瞬間美白的感覺。而且連住頸膜，唔單止照顧臉部肌膚，且唔會有頸紋暴露年齡！另外一款王牌產品是粉刺淨空組，一set分別有粉刺軟化水、粉刺拔膜及毛孔緊致露，拔完粉刺之後，毛孔唔會變大，非常貼心！
9. 凍膜之王 寶藝
台灣女生非常愛敷凍膜，一大盒可以敷面、頸，又可以自己選擇厚、薄敷，敷的時候可以行來行去睇電視，十分方便。寶藝就是其中一個盛產凍膜的品牌，很受歡迎！兩大王牌：酵素冷膜、保濕冷敷劑，敷完後就可以撫平暗粒、舒緩敏感皮膚，又有亮白、保濕等功效，有唔少網友都分享，用完30分鐘就有煥然一新的感覺！
10. 醫美保養品牌 Dr. Wu
Dr. Wu 是台灣非常出名的醫美品牌，推出的產品著重高效能、低敏感，雖然喺香港都有分店，但於台灣的康是美、屈臣氏等地方買，幾乎會平一半！主打的玻尿酸保濕系列非常補水，化妝水、精華、乳液等一set 過用，冬天都唔會怕乾！
另外，好多人都可能會用過它的杏仁酸煥膚系列，堅持使用的話，可以擊退凹凸洞，令肌膚回復光滑。不過有敏感肌的話，就唔好亂用喇！
11. 牛爾老師開設 NARUKO
NARUKO是由另一位美妝達人牛爾老師所設立，在康是美、屈臣氏等地方十分熱賣！最受歡迎的經典晚安凍膜介乎於gel及jelly之間的質感，完全不會油膩，瞓一覺就可以有美白、修護等的功效！茶樹抗痘粉刺調理系列同樣非常熱賣，香港又焗又濕的天氣好易出油同粒粒，茶樹系列抗痘之餘，唔會令皮膚乾到脫皮，更有專為暗瘡肌而設的氣墊粉餅！
12. 網絡爆紅面膜 TTM
台灣面膜絕對不止有「我的美麗日記」，TTM-Timeless Truth Mask是台灣自家經營的品牌，紅到法國再由法國紅回台灣本土，非常受台灣人喜歡！
TTM面膜的功效選擇超多，保濕、美白、抗皺、緊致，總有一種適合你！成分天然且一點都不貴，台灣人形容是「銅板價錢」，面膜布很透薄又貼服，精華多到敷完可以再塗上身體！
13.貴婦最愛品牌 寵愛之名
寵愛之名是另一個由台灣人創立的品牌，一開始是以生物纖維材質面膜而爆紅，一敷就會馬上緊貼肌膚，定期使用可以令皮膚更加水嫩有彈性！其他系列包括杏仁酸系列、熊果素肌因美白系列、多胜肽緊致系列等都十分熱賣，肌膚有任何需求都幾乎可以照顧到！雖然香港都可以買到，但台灣本地的set 裝、限時優惠，絕對會平超多！
14. 成分天然護理 阿原
對於阿原，好多人的記憶都係肥皂，其實它的護膚系列都唔可以睇小！護膚系列成分天然，採用大自然的植物草本，用於皮膚上，完全不會感到不舒服！
產品的功效十分顯著，有齊爽膚水、潔面、眼霜、卸妝、唇油、面膜等的護膚品，就算是敏感肌都適用，唔使怕太多香料會導致不適！
15. 清黑頭最強 DMC
清黑頭最常見的方法就是用鼻貼撕，但好多時都難免會令毛孔愈撕愈大！DMC黑裡透白凍膜是很多網友公認好用的清黑頭神器，只要敷約30分鐘，就可以令黑頭全部浮出來，再輕輕清潔就會好乾淨！
這個世界上沒有一個人值得你為他哭，唯一值得你為他哭的人卻永遠不會讓你哭
【GOGOAdvise Girl女生王國 現在徵稿】
歡迎來稿分享對戀愛、女生用品、女性話題既情報。如蒙投稿，請寄 girl@gogoadvise.com.hk，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Girl女生王國編輯部作潤飾，及會開設作者個人專欄。
