睇波多數都係男士，球員，教練，球證全部通通都係男人，但係如果連觀眾席上面都係全男班，咁就真係好失色啦！
每年嘅世界盃大家除咗好關注啲賽果同埋球員嘅新聞之外，其實有一個亮點就係各國嘅球迷。係每次嘅世界盃，靚女球迷無疑係世界盃上一朵炫麗嘅鮮花，點綴著呢場令全球矚目嘅盛事。
今屆世界盃一開始嘅時候，不停出咗一啲爆冷賽果，好幾隊實力較弱嘅球隊擊敗強國。我地睇到沙地阿拉伯嘅球迷喺見到國家隊能夠擊敗阿根廷，開心到門都拆爛埋，亦見到日本嘅球迷，睇完球隊歷史性擊敗德國，仍然好乖咁樣去清潔球場，被譽為世界級球迷。
但係平時除咗呢啲咁特別嘅球迷之外，大家一定會好留意就係邊個國家嘅女球迷最靚。
來自不同國家或地區嘅女球迷，有不同風情、不同風格，充滿左異域情調……
巴西嘅女球迷一向都係焦點，佢哋出名熱情奔放，身材突出。
不過由於今屆世界盃喺卡塔爾舉辦，女士喺服飾方面有好多限制，女球迷着衫唯有跟番規矩。
伊斯蘭國家對於服裝穿著嚴格，女球迷要避免在公共場合著過度暴露衣服，以表示對當地文化的尊重，該國旅遊局建議男性和女性都應遮住膝蓋和肩膀， 球迷都冇例外。
難怪今屆嘅女球迷嘅衣着，不若歷屆咁吸睛，但都有不少亮點受到關注。
有克羅地亞最索女球迷之稱嘅Ivana， 就係卡塔爾球場以身試法， 挑戰當地嘅法律同道德標準。佢穿著無肩帶連衣裙喺哈利法國際體育場睇克羅地亞 4-1 擊敗加拿大場波， 仲喺 Instagram 分享左自己喺球場附近穿着泳裝嘅照片。
今屆於亞洲舉辦。當然唔少得亞洲嘅女球迷啦，其中日本嘅呢位女球迷就相當吸引， 好快引起網民起底添！
這位日本女球迷，其實是來自日本樂團 PARADOXX 中的鼓手 SHONO 。
不過最勇敢都可以話係呢班伊朗嘅女球迷，因為最近伊朗發生咗一件大事，伊朗女子阿米尼今年9月在首都德黑蘭，疑因無戴好頭巾而被道德警察拘留，僅數小時後獲送院治療，卻離奇死亡，引起全球關注，伊朗國內亦激起民憤，發生多次大型示威及抗爭，要為阿米尼討回公道。 所以今次世界盃， 伊朗嘅球迷都想藉此為阿米尼同一眾女士發聲～
以往伊朗嘅女球迷其實都同一般伊斯蘭國家一樣，服裝穿著相當嚴格。
今次一反常態，觀眾席上出現不少打扮豔麗嘅伊朗女球迷，佢哋不但無包上頭巾，部份人衣着更甚為性感，被指喺要打破傳統枷鎖，為伊朗國內婦女發聲。 雖然喺大家眼中可能唔係特別性感或者暴露，但係對於佢哋來講已經係一個極大嘅改變。
最愛探討女生世界!!
【GOGOAdvise Girl女生王國 現在徵稿】
歡迎來稿分享對戀愛、女生用品、女性話題既情報。如蒙投稿，請寄 girl@gogoadvise.com.hk，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Girl女生王國編輯部作潤飾，及會開設作者個人專欄。
