你幾耐冇望過天空嘅一片雲？
香港人出名鍾意返工， 每日營營役役嘅生活，一擘大眼嗰一刻，就開始趕住返工。
香港人多車多，要返工好多時都起碼要用上一個鐘嘅車程。由我哋擘大眼嗰一刻開始，就要趕時間刷牙、洗面、着衫、趕巴士、趕地鐵⋯⋯唔好話坐低慢慢嘆個早餐嘅時間奢侈，可能你返工前想開個大嘅時間都係好奢侈。
準備出門口返工嘅一刻，我哋都會開咗電話嚟睇，睇吓仲有幾多分鐘有巴士啦？睇吓今日地鐵有冇壞啦？然後啲資訊APP就開始彈啲廣告出嚟，跟住我哋就不其然比佢吸引住繼續睇，因為COOKIES 知道晒我哋嘅喜好同需要。變咗我地出門口嘅一刻，我哋就開始做低頭族，多個抬高個頭望望個天、睇下啲雲。
然後就展開朝九晚五嘅生活，或者好多時仲要OT，到我哋放工嘅一刻，藍天白雲已經唔見咗啦。
慢慢我哋已經習慣左出門口唔會睇吓個天，唔會睇吓今日有冇陽光，好少睇吓今日啲雲嘅形狀係點，我哋已經用晒啲專注力集中係嗰部細細嘅手機度。
雖然手機細細，但佢包含嘅嘢真係可以好多，由你㩒著個MON一刻起，佢會不停出好多廣告，提你今晚去邊度食好嘢、去邊度按摩、買咩波鞋、買咩靚衫⋯⋯通通嘅廣告都喺晒度， 潛移默化令到我哋會繼續好努力咁返工，因為要搵錢追求物質嘅生活。 個個都返工，唔通個個都真係鍾意返工咩！
但係如果你返工途中，試吓望吓天空嘅藍天白雲，做幾個深呼吸，可能你會發現，其實生活好簡單，未必一定要買好多嘢，簡簡單單睇吓大自然嘅風景已經可以好滿足。
不停盲目追求物質生活，營營役役做一份自己唔鍾意嘅工作，受一啲唔想受嘅氣，為嘅原來就買埋啲無謂嘢、冇需要嘅物品。過多幾年，你就會發現自己浪費咗好多光陰，亦都捱到你嘅身體開始出現病痛。
留返少少時間比自己嘅身體同靈魂，了解自己內心真正最需要啲乜嘢， 唔好比物質嘅生活同埋部手機支配左你嘅世界。 人只係活一次㗎咋～ 我諗人投胎，唔係為咗玩手機掛！
最愛探討女生世界!!
【GOGOAdvise Girl女生王國 現在徵稿】
歡迎來稿分享對戀愛、女生用品、女性話題既情報。如蒙投稿，請寄 girl@gogoadvise.com.hk，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Girl女生王國編輯部作潤飾，及會開設作者個人專欄。
