好快到情人節啦，好多女朋友一定喺度諗緊要送咩禮物比男朋友。
不過其實男仔諗嘢嘅角度同女仔可以話係都幾唔同，其實佢哋又唔係話一定生日或者情人節要收到禮物。
唔會好似有啲女仔咁，如果紀念日或者大時大節收唔到禮物，去唔到啲好嘅餐廳食飯就發脾氣。(唔係個個都係咁嘅,不過維數都唔少)
佢哋真正有需要嘅就會想買如果想買而未買到嘅細心嘅女朋友其實你都會知道
男仔對禮物其實都冇乜特別嘅諗法，如果佢已經有或者又唔係真係好需要嘅話，都冇乜用，可有可無。
反而如果佢哋冇嘢想要,你又夾硬送啲嘢，佢哋要扮鍾意仲麻煩。
女友整咗啲手作嘢又要扮驚喜扮鍾意，再者手作仔整一兩次就算啦！唔好次次都整，
因為男仔都好怕又要整返俾你！(個內心可能都想整,但係實質上一啲都唔想整)
如果送日常用品，唔鍾意唔用嘅話又俾你話，要逼住用。
所以大部份嘅男友心聲都係: 你發少啲脾氣當幫忙，又或者你乖乖地、靜靜地，唔好一日問埋嗰啲模棱兩可嘅問題，其實佢哋已經阿哩吉諦！
有啲男友更加會話女友可以計劃一日唔使佢出錢嘅拍拖就已經好開心，因為平時男仔喺出街攰就係攰係呢啲方面。
再加上而家百物騰貴，可能食餐好嘅都幾千蚊，想買隻手錶更加萬萬聲。
一年咁多節日，邊度買得咁多丫。所以正如好多男網民話齋，發少啲脾氣當幫忙啦，或者真係整張免死金牌、唔准發脾氣卷…….呢啲可能對於男友嚟講更加實際。
電子用品方便，女生始終係冇男仔咁熟，可能買咗個model 佢哋未必最想用。實際啲嘅話可以買Gift Card，等佢自己買返自己鍾意嘅嘢，正如有啲男士都話，除非你知佢心意先好買，尤其一啲大額嘅電器、電腦第嘅電子嘢，唔好博，棧買完仲火滾！
衫褲鞋襪男士都識自己買，一陣間買唔啱size仲麻煩，即係正如我相信女仔都唔想男仔送衫俾佢。
另外，如果有啲男朋友鍾意食嘢嘅，佢哋都有講到話想食親手煮嘅飯，不過當然如果你廚藝麻麻就唔好勉強啦，盞搞！一陣間食物中毒仲慘，或者難食都嘔夾硬要話好味，都慘！可以攞你原本打算買禮物嘅錢去食餐好嘅或者買返個蛋糕算啦~
當然大部份男士心入邊都會諗其實嗰日返入房開開心心都OK😝呢方面大家心照！
最愛探討女生世界!!
【GOGOAdvise Girl女生王國 現在徵稿】
歡迎來稿分享對戀愛、女生用品、女性話題既情報。如蒙投稿，請寄 girl@gogoadvise.com.hk，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Girl女生王國編輯部作潤飾，及會開設作者個人專欄。
