主頁 > 最新旅遊情報 > 各地情報 > 【香港情報】 香港18區美食大搜查 元朗有乜好食?

【香港情報】 香港18區美食大搜查 元朗有乜好食?

「我直入元朗,你老豆疊羅漢」有歌你唱,嚟到新界元朗,當然要食Man啲啦!元朗區歷史悠久,加上幅員廣大,孕育出百花齊放的小店同特色美食。大家可以參考下元朗人推介的必食Check List,一於入元朗食餐勁!

元朗區美食大搜查01: 成記茶寮 極黑豉油汁豬扒飯

地址:元朗建業街街市地下C8號舖

成記茶寮以秘製「極黑豉油汁豬扒飯」聞名,甜香的豉油汁淋上厚切豬扒,大件夾抵食。老闆Ming哥就話一日賣超過四百碟豬扒飯的秘訣在於揀靚豬扒!佢通常選用每批豬扒貨源最頭的十至十二塊來用,難怪肉質嫩滑。豬扒用了紹興酒和糖來調味的濃黑豉油汁食落偏甜,有點像瑞士汁。

豬扒雖然很厚,但肉質非常鬆軟,相信是挑斷了筋部,令熟後不會變韌。加上煎得微焦,食落帶點脆口,超正!夏天去食有心理準備坐街邊熱辣辣,而冬天去又可能會吹風,不過為左美食值得去!

元朗區美食大搜查02: 永年士多 元朗必食車仔麵

地址:教育路寶城洋樓號 2-4 號 地下

由三代人經營的永年士多有「元朗必食車仔麵」之稱,士多仔已經變身成為摩登新舖。老闆在屯門自設二千呎工場出品自家食材,控制水準。一到食飯時間就要等位!

元朗區美食大搜查03: 萬芳冰室 品嚐超級無敵大雞髀

地址:元朗建德街35-55號時景花園

始於1959年的萬芳冰室於近年捲土重來,薄荷綠色的店舖仍保持着懷舊色彩,最出名是可以做武器的超級無敵大雞髀,吸引不少年輕人慕名而來!雞髀真的超大份,用盡了雞上髀及雞下髀來炸,可謂貴得有道理。食落,雞肉頗嫩滑,但缺乏肉汁,大概是分量太大難以掌握吧。另外值得一提是紅豆冰,碎冰粒砌成面頭的雪球,慢慢融化在淡奶中,加上綿滑的紅豆粒粒,消暑一流!

元朗區美食大搜查04: Chef’s Stage Kitchen 區內必試西餐廳

地址:元朗西菁街23號富達廣場52-55號地舖

唔好以為元朗呢區無咩靚西餐,其實呢度深藏不露。唔少人都話Chef’s Stage Kitchen CP 值高,食物同價錢都好合理,環境又好,無論係一大班人生日聚會還是2個人食餐好,都好啱要求。牛扒選料好,煮得啱要求,又夠大塊;食起嚟肉質嫩又唔韌,而且juicy,牛魔王一定好滿足!

下一頁【元朗區美食大搜查05~08】


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記