主頁 > 最新旅遊情報 > 各地情報 > 【香港情報】 一班朋友包場去邊好?推介10個平靚正特色Party場地

【香港情報】 一班朋友包場去邊好?推介10個平靚正特色Party場地

喺香港同一班朋友出嚟娛樂,除咗行街、睇戲、食飯,仲有乜好玩?其實仲可以開下派對 !在香港各區,可以提供平靚正包場服務嘅場地多的是,各適其式,你識唔識?我地為大家推介10大平靚正派對包場好選擇,唔多講,Party Time!

10個平靚正特色Party場地01: 香港映畫House One

#影迷好去處

場地特色:私人獨立放映戲院,以懷舊電影院作為主題。「戲院」有特色戲院大椅子、大銀幕,齊全的音響設備。淨色間條牆紙使場景格外懷舊。躺在大椅上,播放自製或自備影片,柴娃娃煲劇,別具滋味。

地點:觀塘開源道60號駱駝漆大廈3座8樓P室
價錢:每人$115(最低包場人數10人,最多30人)

 

10個平靚正特色Party場地02: Space.Lab

#科幻迷好去處

場地特色:悉心打造嘅科幻世界,專業場地設計令人有如身處於大銀幕嘅科幻影片中,一片縣疑詭異嘅氣氛,疑幻疑真。約埋三五知己去拍番輯相,喺煙霧彌漫嘅場景開個派對,絕對係一種對非凡嘅體驗。

地點:新蒲崗雙喜街6號嘉就工業大廈11樓A2室
價錢:每人$69起(最低包場人數8人,最多35人)

10個平靚正特色Party場地03: City Golf

#高球友好去處

場地特色:室內模擬高爾夫球場,配特大落地屏幕,極真高爾夫球模擬器。玩家只要企上人造草地發球台,向屏幕大桿一揮,系統就會因應發球嘅姿勢、力度、角度等等,運算出哥爾夫球嘅去向,從而模擬入球。哥爾夫球手套、球桿等裝備提供備晒俾玩家租用,唔怕日日一曬雨淋都可以開一個高球派對。

地點:中環雲咸街15-17號萬祥大廈1樓A室
價錢:每人$260(最低包場人數5人,最多35人)

下一頁【10個平靚正特色Party場地 04~06】


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記