【期間限定】 深圳潮玩打卡懶人包 1-2日食住玩超荀推介

想近近地同班friend一齊充充電兼行吓食吓？最近多間指定旅行社推出天高鐵深圳自由行套票優惠，包高鐵來回車票連景點入場券低至成人每位$168起。如果想喺深圳過埋夜，不妨考慮下連住宿嘅2日1夜套票，二人同行每位$589起，就有齊香港西九龍站至福田站來回高鐵車票連四星級酒店住宿1晚，仲包埋2位自助晚餐再加早餐添，咁嘅價錢真係乜都抵返晒！

2日1夜高鐵深圳套票推介: 深圳中航城格蘭雲天酒店 

酒店位置超方便房間寬敞唔駛迫
其實睇套票抵唔抵玩，除咗係睇包咩之外，最重要係睇埋間酒店地理位置同交通方唔方便。而深圳中航城格蘭雲天酒店位置就極為方便，由香港西九龍站坐高鐵只需14分鐘就到福田站、之後行去隔離購物公園地鐵站搭到華強路站、出站後行5分鐘就到；如果唔想搭地鐵，其實係福田站坐的士都只係10分鐘車程，附近仲有九方購物中心同華強北地鐵商業街可以行，買嘢食嘢都方便。酒店房間非常寛躺舒適，絕對唔會有壓迫感，所以好多酒店評分網站都俾好高分數。

套票及其他自由行優惠請參閱: http://bit.ly/2KZ7hhR

酒店附近必去打卡行程/景點01: 深圳當代藝術館 最適合文青Chill住行

深圳當代藝術館位於深圳福田區，總面積約8萬平方米，係深圳現時最新、最大型嘅藝術館之一。藝術館外觀主要用上銀白灰冷色調，配合大量傾斜、扭曲、旋轉等結構，呈現出獨特嘅風格。同時陽光可以透過玻璃外牆照進室內，造成獨有的光影效果，所以吸引到好多文青嚟打卡，可以話係近期深圳其中一個最受歡迎打卡熱點。

(From Ig:tiffany_moment)

酒店附近必去打卡行程/景點02: 壹方城UK KTV 超抵$18唱足4小時

位於福田區嘅壹方城UK KTV都非常受香港人歡迎，場內裝修以英倫風為主，而唔同房間有唔同主題，「網紅」嘅打卡位非常之多，其中包括超受歡迎嘅IronMan主題房間，裏面放置咗6座1:1比例嘅 IronMan盔甲，用嚟影相呃like一流。唔同房間時段有唔同收費，平日唱的話，最平可以人民幣$140唱豪華中房(約容納8人左右)，於12:00-19:00內任唱4個鐘， 8個人計平均每人只係俾人民幣約$18，最啱約埋班Friend一齊嚟個大合唱。

酒店附近必去打卡行程/景點03: 深業上城 深圳最受歡迎人氣火熱商場之一

深業上城呢個大型地標商場開幕短短一年間就成為深圳最具人氣商場之一。除咗因為有打卡影相必去嘅暖色系Loft小鎮之外，仲有約300間品牌店舖進駐，形形色色嘅特色美食同購物品牌都應有盡有，包括喜茶、奈雪之茶、NIKE、京盛宇等，真係行一日都未必行得完。

(From Ig: _rachel.clc)

優惠套票都幾搶手，想放假抖一抖就快啲向各指定旅行社查詢訂票啦！