【全球情報】 睇完好想移民？ 全球10個最和平國家

個個都想世界和平，唔通世界真係可以好和平咩？國際人權組織每年公布的全球和平指數（Global Peace Index），以一個國家的社會安全程度、國內外衝突之多寡和國家軍事化程度等作指標，測量了全球 163 個國家的和平指數。以下就就係統計出黎最和平的10個國家，睇完都好想快快移民過去！

第 10 位：日本

好多香港人最愛的日本就上左第１０位，無論係一家大細定獨遊都唔洗驚啦。以後比人問又去日本個陣可以答佢，係啊，治安好，夠和平！

第 9 位：瑞士

自 1847 年沒有參與過戰爭、軍備開支不多、政治體制的民主程度更被視為世上數一數二健全，而阿爾卑斯山美景及其他自然風光亦甚得遊客歡心，空氣超好，個個人去到都話好似幫個肺沖涼咁，真係覺得當地人好叻，咁盡力保護環境，所以大家去到都要做個有公德心遊客！

第 8 位：加拿大

90 年代港人移民天堂，現今則是國內富豪後花園，加拿大的自然景色亦很受熱愛戶外的遊客歡迎，加上而家飛加拿大機票愈賣愈平，無得去移民都一定要去見識下！

第 7 位：斯洛文尼亞

斯洛文尼亞風景一流，如知名的布列德湖，靚到隨便影張相都可以拎黎做明信片。

第 6 位：捷克

世人聯想到浪漫之都，首都布拉格必定榜上有名，原來捷克在社會環境而言亦算和平穩定。

第 5 位：丹麥

位於北歐的丹麥，2016 年曾獲選世上最快樂的國家，首都哥本哈根更被指是歐洲最理想居所之一，上年丹麥政府仲曾經呼籲過遊客去佢地到食生蠔，如果唔食就會變相破壞生態環境，真係名呼其實的多到食唔曬呢！

第 4 位：奧地利

經歷二戰後的中歐彷彿是和平區，奧地利雖然比去年微跌一級，但依然有濃厚的歷史、音樂、文化氣息仍然令遊客津津樂道。

第 3 位：葡萄牙

葡萄牙物價比西班牙便宜，走在街上又不用高度戒備，市民普遍熱心友善，所以今年更升兩級成為第三位。

第 2 位：新西蘭

新西蘭每年都吸引不少人去工作假期甚至移民，除了獨特的自然環境，仲有香港難求嘅生活空間同乾淨空氣！

第 1 位：冰島

極光、冰川、黑沙灘，天然溫泉，冰島美景數唔完，人口近 40 萬的北邊島國政治、民生亦相對地和平，而且由 2008 年起一直稱冠，吸引世界各地遊客到冰島追光。