主頁 > 最新旅遊情報 > 即時情報 > 【即時情報】 港客酒店Staycation自行搬床被罰$5000 事後網民大讚:有品 欣賞事主有承擔

【即時情報】 港客酒店Staycation自行搬床被罰$5000 事後網民大讚:有品 欣賞事主有承擔

新冠肺炎疫情未止,無法去海外旅行之際,不少港人改到酒店「staycation」。近日一對夫婦在酒店住宿期間,自行搬動房內的單人床,不慎鎅破布牆,退房後酒店要求賠償,夫婦自感理虧,馬上賠償解決事件。

一名港妻早前於Facebook群組發文,指最近與丈夫預訂了酒店雙人床客房,入住時希望加錢升級至海景房,不過櫃檯職員指該房型只剩下雙床房(即2張單人床)可供選擇,但可免收300元升級費。該夫妻指:「因為住呢間酒店嘅目的就係想住海景房,加上佢又唔使我地加錢,又住到海景房,就答應咗。」進入房間後,事主發現2張床距離相隔約一尺半(約45厘米),於是搬動其中一張床,將2張單人床合併成一張大床。

退房後收酒店電話 告知布牆被鎅破
翌日退房回到家中後,事主收到酒店的電話,職員指執拾房間時,發現床頭位置的布牆被鎅破,「大約係1支筆既長度,形狀係左右掉轉7字咁樣」,布牆內部分棉花外露。事主表示看過照片後「嚇親」,但不肯定是否搬床時造成,他們稱:「推個時又感覺唔到及聽唔到有撕裂布嘅聲音,張床有少少重,都要慢慢推,唔係好快咁推得郁。」

酒店要求賠償$5000 事主自認理虧 接受賠償解決件事
事主向酒店職員解釋,床頭與布牆有2吋(約5厘米)距離,未必是他們所造成,但為免「拗來拗去」,於是詢問酒店解決方案,酒店要求賠償5000元,及後分享事件並非為分析對與錯。事主補充:「咁我哋諗理虧係我哋,我地唯有當晚即刻賠返$5000比酒店當解決件事。只係想知大家有冇遇過/聽過類似情況而要賠錢畀酒店呢?」

網民大讚事主:「欣賞樓主承擔後果」
帖文引來網民熱議,不少人大讚事主有責任心,「欣賞樓主承擔後果」、「冇怨冇鬧,只係講返件事出嚟提醒我哋」、「可以提醒吓房客其實唔係大晒,有乜損毀係要賠錢嫁」。亦有人分享自身經驗,「我慣性係入房嗰陣作地氈式搜索, 睇下有冇古怪嘢先」、「酒店按本子辦事。見床被推動見房有損毀便會罰款」。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記