【日本情報】 全球最恐怖鬼屋「絕凶・戦栗迷宮」富士急恐怖度再度升級

位於日本富士急高原樂園、被稱為全日本最可怕既鬼屋「絕凶・戦栗迷宮」，已經升級為「絕凶・戦栗迷宮 ～血塗られた人骨病棟～」，鬼屋內容恐怖程度進一步升級。

「絕凶・戦栗迷宮」係以40年前廢棄既綜合醫院作為鬼屋既主題，為了迎合鬼屋既設計，全長約700m，已被健力士世界紀錄認定為世界上步行距離最長既鬼屋。進入鬼屋之前，工作人員會話俾挑戰者知「入面既鬼幾乎都是真人扮演。所以嚴禁用礦泉水瓶、書包、指甲等攻擊任何人，如果因為害怕確定未能繼續走下去的話，可以大聲求救。」

原先「絕凶・戦栗迷宮」最可怕一點，就係佢唔單只係間鬼屋更是座迷宮，即係話要係唔迷路既情況之下，一路順暢地走到終點，都至少要用50分鐘先能可以出得黎，咁長時間未免太考驗人類恐懼極限？！設計方面，係一間破舊廢棄醫院，裡面各房都有唔同恐怖主題，根本就係困獸斗。

而今次升級版「絕凶・戦栗迷宮 ～血塗られた人骨病棟～」，主辦單位特別將入場預告影片做得更加可怕。仲加設左幾個新主題空間，例如好似由陰森森人骨堆疊成既地下通道、處理病人屍體既停屍間同各種令人寒毛直豎既燈光特效等等，可以想像到有幾咁得人驚，所以大家係計劃挑戰呢一間鬼屋之前，建議先係睇下片同爬下文了解下先好入去，以免嚇破膽、瘋狂尖叫中途離場。

想體驗看看呢種想跑都無法一時成功逃脫出來既「絶凶・戦慄迷宮 ～血塗られた人骨病棟～」鬼屋？歡迎各路膽大既英雄豪傑們一起去挑戰吧！哈哈哈….

富士急樂園【絕凶・戦栗迷宮 ～血塗られた人骨病棟】

地址：日本 山梨縣富士吉田市新西原 5 丁目 6 番 1 號
電話：+81 (0)5 5523 2111
開放時間：星期三至一 9am-5pm（星期二休息）
網址：fujiq.jp
交通：JR新宿站至大月站，再從大月站乘往富士急方向線至富士急 Highland 站下車