【西班牙情報】 西班牙50間酒店被連環爆竊 酒店電子門鎖唔再可靠？

大家平時去旅行住嘅酒店，好多都會用電子鎖匙卡開門，如果同你講，你用緊嘅酒店電子鎖匙卡其實好流，你仲會唔會夠膽放啲貴重野係酒店房？唔信？即刻睇下以下報導喇！

最近喺西班牙，有一個男人就係一眾度假勝地連環爆竊咗50間酒店房，包括伊比薩島，​​馬略卡島和巴塞羅那，而且全部清一色都係用電子鎖匙咭。 呢個廿四歲嘅男子透過自製嘅假鎖匙咭，成功進入到酒店嘅客房，偷走財物同埋大量嘅電子產品包括手提電腦手錶同手機等。而去年年底，警方注意到馬約卡島巴利阿里島歷史名鎮卡爾維亞嘅酒店客房遭劫案飆升，於是當地警方相信係有人用假鎖匙進入房間，最後係西班牙馬略卡島一個主要度假勝地馬加盧夫成功拘捕呢位來自阿爾巴尼亞嘅疑犯。呢個犯人連環爆竊咗50間酒店房，包括旅遊勝地伊比薩島。

雖然話住得酒店係安全方面的確係會比較可靠，但係以防萬一都係收好自己嘅財物比較穩陣。可以既話出門就唔好留太多貴重野係酒店房就最安全。

而最近有網民係Facebook教人用酒店衣架輕易加強門鎖保安功能，防患於未然，網民紛紛將此法收藏仿效。雖然呢個方法未必可以防到人唔係房嘅情況，但我諗你都唔想係訓教嘅時候有人入左你房唔知。

入正題，果位網民係Facebook群組「泰旅谷真好玩」上載左一張相，內容係將一個衣架穿入門柄，再勾住門扣，若唔放心更可再加椅子頂住大門，以加強酒店房門「保安」，令外來者無法輕易開門進入。該發文者亦指出門旅遊，保安工作要由自己做好。因為有啲酒店門鎖可能有「特別款待」，因此自己入住酒店房時一定要「加鎖」，而且呢個方法簡單同免費，何樂而不為？ 

網民對發文者俾晒Like，表示「學到嘢」，話要將呢個方法記住，下次旅行就可以大派用場。亦有人留言分享更多防盜招式，例如放水杯、鈴鐺到門邊等。