主頁 > 最新旅遊情報 > 【旅遊情報】 森美旅行團好評如潮 有網民話「唔使睇杜如風離地旅行團」

【旅遊情報】 森美旅行團好評如潮 有網民話「唔使睇杜如風離地旅行團」

近日大台播出左由森美、麥美恩、黃心穎同高海寧主持嘅《森美旅行團》,估唔到播出第一集就已經引起網民勁大迴響,好多網民都話淨係睇森美一個男主持已經夠晒,連女主持都可以話唔要,又話叫大台以後日本節目搵森美大哥就得,唔使再搵杜如風喎!

佢地認為杜如風介紹嘅吃、喝、玩、樂、Shopping嘅地方,一間比一間豪,一個比一個離地!相反,森美第一集就教大家住平旅館,食100YEN烤肉店,夠晒貼地,啱晒平時成日話要窮遊日本嘅香港人口味!其實聽森美電台節目都知,有個環節叫「識貨之人」,當中好主張食到好野唔一定要貴嘅,平野都有好野架!

有網民仲誇張咁話,淨係睇森美一個主持節目,已經值回票價,話晒森美都係Talk得之人,口材好就大家都認同,多年節目主持同電台DJ嘅經驗,做旅遊節目嘅主持人當然難佢唔到喇,更有人講︰「我諗都唔使畀稿佢,做開DJ係唔同,應該一早放佢出來做旅遊節目!」,亦有人話「佢去啲地方,我真係未去過,真係學到野」。

之後幾集加埋佢嘅最佳拍檔嘅麥美恩、黃心穎同高海寧,一路介紹景點、活動,一邊互相單打,又真係幾搞鬼,所以其實成個節目嘅風格由年輕人至師奶們都一樣啱睇,唔怪網民勁俾Like喇。

但係最估唔到嘅,節目中段時,森美冇喇喇感觸係鏡頭前落淚,因為佢感慨睇到雙彩虹嘅時候,太太唔係身邊,本來好感人,但反而換黎竟然是網民取笑,網民心理真係幾難捉!

成個節目總共有10集,呢幾日就介紹咗平遊東京、和牛祭、武士祭等等,嚟緊好似聽聞仲會去新宿搵牛郎、食米芝蓮甜品等等,大家旅遊愛好者密切留意喇!


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記