《蠟筆小新劇場版：幽靈忍者珍風傳》於7月21日上映，戲院特意推出蠟筆小新限定爆谷餐！
蠟筆小新套餐除了包大爆谷及大汽水，仲會附送蠟筆小新PUKAPUKA水泡系列扭蛋，超可愛！優惠價$99就買到，大家可以帶埋小新入場睇戲啦！
《蠟筆小新劇場版：幽靈忍者珍風傳》即將於全線嘉禾戲院公開上映，為了讓一眾蠟筆小新粉絲睇得更開心，嘉禾戲院將推出蠟筆小新爆谷餐！
爆谷餐除了有一桶大爆谷和一杯22oz汽水，還會隨機附送限定版蠟筆小新PUKAPUKA水泡系列扭蛋，分別有5個角色！
全部都攬住水泡懶洋洋咁，超級可愛，優惠價$99就買到，另外加配多一杯22oz汽水亦只需要$13，各位鍾意蠟筆小新嘅朋友可以把握機會！
電影資料
自小新出世已經5年，在平穩的日常中，一位名叫屁祖隱千代女的女性，帶住另一個5歲小朋友‧珍藏嚟到野原家，話自己先係小新真正嘅媽媽！但在搞清楚真相之前，神秘忍者軍團突襲，並將千代女同小新帶返返去忍者村！小新從千代女口中得知，原來地球蘊藏名為「忍土流」的龐大能量，並以純金金塞塞住「地球嘅肚臍」，以防能量流失令地球枯萎滅亡。然而金塞近日有鬆脫跡象，而屁祖隱家代代相傳嘅通靈之術，係守護金塞嘅關鍵！繼承屁祖隱之名，小新能否成功守護地球同家人嘅明天！？
蠟筆小新劇場版：幽靈忍者珍風傳
原作：臼井儀人（らくだ社）
導演：橋本昌和
編劇：上野貴美子、橋本昌和
語言：粵語配音
片長：100分鐘
蠟筆小新限定爆谷餐售賣地點：the sky、StagE、嘉禾黃埔、嘉禾大埔、嘉禾MegaBox、嘉禾啟德、嘉禾粉嶺、嘉禾V WALK、海運戲院
旅行會使我們感到靜默，但也能因此讓我們成為會說故事的人
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
