主頁 > 最新旅遊情報 > 【即時情報】 61歲夫婦選擇唔坐飛機 由英國到香港只坐海陸交通

【即時情報】 61歲夫婦選擇唔坐飛機 由英國到香港只坐海陸交通

幫仔女慶祝生日,對父母來講從來都係好重要嘅事,亦有好多父母為咗見仔女一面不惜跨越重重難關。英國就有一對年約六十歲嘅老夫婦,為咗來香港同兒子慶祝生日就選擇咗一個別開生面嘅方法,就係棄搭飛機,只經海陸兩路乘坐公共交通工具,由英國一路旅行一路來香港,佢哋搭咗16種唔同嘅火車用咗8星期,越近2萬公里。

期間佢地遊歷過德國、俄羅斯、蒙古等地,臨到香港前仲用左5個星期暢遊神州大地,令佢地印象「非常、非常深刻」。從牛津站搭歐洲之星前往歐洲,係柏林同白俄羅斯停留。抵達莫斯科後就登上西伯利亞鐵路用咗三晚時間穿越俄羅斯進入蒙古,再進入北京,沿途去咗唔同城市後就去廈門,再乘坐高速列車到達深圳再嚟香港。

來自牛津郡分別年屆69和61歲嘅懷廷夫婦 (Phil Whiting 同太太 Emma Whiting) ,由英國出發,一路上先後合共乘坐多達16班唔同嘅火車;搭過12000英里嘅巴士、的士、出租車、渡輪、馬匹、纜車等交通工具,當然亦有徒步。係8個星期行程入面,佢地先後去咗柏林,莫斯科,蘇茲達爾,伊爾庫茨克,貝加爾湖,烏蘭巴托,北京,西安,上海,桂林,黃山,陽朔同廈門等地。最終於上月 (11月6日) 抵達終點站香港。

呢一對懷廷夫婦旅途中有過唔少新奇體驗,佢地參加左俄羅斯東正教的彌撒,又在俗稱「蒙古包」的蒙古圓頂帳篷同遊牧民族同當地人民一齊共晉美食,係中國更遊遍7000幾公里路,參觀梯田的秋收同頤和園的美景,畫下左唔少充滿回憶的畫作。伲地表示係中國旅行期間,到過北京、西安、上海、桂林、黃山、廈門等地,每個地方都有唔同體會。

本身是一名藝術家的 Phil Whiting 表示,佢地一向都對近代史同國際政治的話題非常感興趣。佢話:「妻子 Emma 本黎係一名社工,佢係大約四年前提早退休,兩人一直都有計劃今趟旅程的行程。」「前往香港的目的是為在當地從事教育業嘅兒子 Oliver,係11月6日慶祝佢 30 歲生日。」

佢仲補充:「雖然係公共交通的時間非常漫長,長途旅程看似非常沉悶,但事實上你卻不會發悶,佢地二人都表示從來都沒有感覺一點沉悶,因為整個旅行認識同經歷嘅人同事實在太多太有趣,每一樣接觸的事物都好似新既一樣!」

Phil Whiting 亦指出:「途中遇到好多同佢地一樣、來自世界各國各地的旅客,不消數天便形成一個小社群。」

呢對夫婦絕對係身體力行證明去旅行唔係年輕人嘅專利,佢哋兩個都已經年過六十,但依然好鍾意去唔同嘅地方旅行,今次旅程Phil Whiting 同 Emma Whiting就用咗足足一年時間籌備,行程入面佢哋先係跨越西伯利亞鐵路,又去咗東南亞金山角徒步旅行,睇盡中國山水美景同歷史文化建築,喺蒙古又入住蒙古包同當地遊牧民族一同住餐;同時又可以搭過16條火車線路、巴士、的士、出租車、渡輪、纜車等交通工具,甚至連馬匹都坐過,真係聽到都令人羨慕啊。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記