澳門又有新酒店！萬眾期待嘅澳門銀河萊佛士（Raffles Galaxy Macau）預計將於 2023 年 8 月 16 日開幕正式試業！暫未公開接受預訂！
成為澳門銀河內嘅第 7 間酒店，部分餐飲場所同埋設施更會喺 7 月陸續開放。澳門銀河萊佛士（Raffles）位於度假城東側，每一層都有玻璃空中廊橋接連塔樓兩翼，將有 450 間客房，全部都係套房設計，酒店更加憑著首創嘅私人酒店管家服務而備受歡迎！而設施方面都令人期待，位於空中花園嘅無邊際泳池，賓客可一邊暢泳一邊俯瞰「澳門銀河」的天浪淘園。
餐廳方面，大堂中央將會設萊佛士大堂吧，供應澳門專屬嘅「百萬美元」雞尾酒；酒店更會同獲得米芝蓮三星殊榮嘅日本壽司主廚宮川政明合作，主理嘅「壽司割烹」店、鐵板餐廳將進駐澳門銀河萊佛士。長廊酒吧就會由設計師 Joyce Wang 設計，由亞洲 50 大酒吧調酒師黎振南為澳門特調嘅雞尾酒「澳門司令」，令人期待。目前官網上仲未可以預訂入住澳門銀河萊佛士（Raffles），相信要再遲啲先可以知價錢喇！
Accor集團旗下擁有130年歷史的Raffles Hotel Macau萊佛士酒店將會進駐於「澳門銀河™」世界級奢華綜合度假城，新酒店貫徹品牌概念，靈感來源於現代豪華府邸，因此部分客房設有私家泳池及庭院、頂層套房甚至飾有雙層法式落地窗。
萊佛士酒店（Raffles Hotel Macau）
地址： 澳門Estrada Da Baia Da Nossa Senhora澳門銀河
旅行會使我們感到靜默，但也能因此讓我們成為會說故事的人
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
