入到屯門，你會去邊「搵食」？如果你只識係幾個大商場內覓食就真係「走寶」了！今次等我帶你走入屯門搵下有咩係必食必試美食喇。
屯門區美食大搜查01: 蒜爆王
「你蒜夠未？ 」 地址：屯門田景路31號良景廣場地下良景市集118號鋪
雖然蒜係重口味食物，食得多嘅話，一張開口，人哋聞到都會避開。不過屯門有間小店偏偏就靠「蒜」而出名。小店最矚目嘅就係將大量蒜茸放落鐵板上面同肉類快炒，客人可以自選配料，肥牛、魷魚、飯同麵都有，爆發出嘅蒜香真係隔幾條街都聞到呢！咁吸引，又點會唔食呢？之前係車仔檔，宜家就入舖，仲有位坐……今次真係有排「蒜」喇！
屯門區美食大搜查02: 屯門金莎冰室燒烤茶座 Sariel’s restaurant
「$100蚊有找 親民價嘆西餐」 地址：屯門楊小坑村20號E地鋪（山景景榮樓側）
喺屯門，想食西餐通常都係去連鎖店，但係價錢貴之餘，又唔好味。最近就有網民發現有間西餐茶座，以平民價就可以食到德國鹹豬手、燒春雞同埋各類鐡板餐，西冷都係$98，仲可以揀配飯、意粉或薯條，包熱飲！真係抵到好吸引呢。想食，就記得夜晚6:30晚市先去喇！
旅行會使我們感到靜默，但也能因此讓我們成為會說故事的人
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
