【香港情報】 拍拖唔一定洗好多錢 最新8月拍拖活動懶人包

覺得拍拖要用很多錢但又不想放假只待在家中的話，不妨跟你的伴侶去去以下幾個地方拍照和打卡，或做一些小手工，其實拍拖不一定要花很多錢，香港都有很多拍拖好去處的。（2025年7月更新資料）

8月限定:  黃埔天地夏日呈獻「黃埔饗宴・味蕾星級課」

今個夏天，雲集全城「美食之最」的黃埔天地將於8月17日及8月24日一連兩個星期日，於美食坊重磅呈獻「黃埔饗宴・味蕾星級課」，從前菜、主菜到甜品，一次過滿足各位食家，帶來星級的美味盛宴！活動焦點包括由星級名廚張錦祥（Chef Ricky）即席示範簡易西班牙料理，參加者可近距離偷師交流，新手都可以輕鬆掌握烹飪精髓！另一邊廂，人氣靚媽廚師蜜兒（Mab Mak）親臨現場，與家長及小朋友齊齊動手，創作甜入心的小清新親子甜點，大家更可即場享用親手製作的甜品！

8月限定:  Mira Place年度音樂盛事 Gimme LiVe音樂節13周年「Voice Arise」

Mira Place年度大型音樂派對Gimme LiVe音樂節再度Come back！今年音樂節以「Voice Arise」為主題，由8月9日起一連4個星期六，集合20個音樂表演單位唱爆熾熱的下午，繼續全力支持本地音樂及崛起的樂壇新「聲」追尋音樂夢，更特別聯乘同樣力撐本地樂壇和音樂新「聲」的知名音樂監製徐浩擔任星級音樂顧問，與Mira Place 攜手打造實踐音樂夢想的舞台！

7-12月限定: 「Mickey Keep It Real」主題活動  夏日型格登陸太平山頂

今個盛夏，召喚所有Disney fans及各位好友！山頂纜車及凌霄閣由即日起至2025年12月31日呈獻全港首個迪士尼「Mickey Keep It Real」主題活動，將太平山頂打造成充滿驚喜的盛夏慶典！人氣角色米奇、米妮、唐老鴨、黛絲、高飛、布魯托、鋼牙與大鼻，會由中環山頂纜車總站出發，與所有Disney fans展開一場橫跨整個太平山頂的精彩旅程！趕緊約定摯愛好友於今個暑假一同體驗前所未有的Magic-cool時刻，樂在當「夏」！

清山塾 佛系文青好去處

清山塾是個屯門隱世打卡位置，位於清涼法苑內，總面積有近六千呎，入面有Cafe、書店、展覽場地。中庭仲有佔地面積最大嘅公共空間，一個佛系文青好去處。

C朗拿度博物館 CR7®LIFE香港博物館門票

拍拖輕鬆行山景點：無敵夜景嘉頓山

一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。

建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。

世外桃源：英式山頂花園 拍拖野餐勝地

唔好再話去歐洲先有靚地方Chill喇！比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。

建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！

都市塵世美: 金鐘添馬公園  

去野餐一定要去郊外，好多怕麻煩的小情侶都唔想去咁遠，但又覺得喺城市好難找到草地，才不是呢! 在城市中找野餐地點必定有金鐘添馬公園，地點便利，公園內一大片的綠悠悠草地，坐在草地上閒聊，看看書，也可以看到海，過悠閒寧靜的一天，也是另類的浪漫。

建議路線：港鐵金鐘站A出口，步行約7分鐘。

放狗放閃無問題: 數碼港海濱長廊

好多伴侶都會一齊養小動物，假期去拍拖時都想帶埋「小成員」一齊去玩!  數碼港海濱長廊就不二之選，因為那裡準許放狗，與伴侶就可以坐在草地上看海，一齊坐草地吃小食，也可以看着「小成員」在草地上奔跑！就是無比寫意！

建議路線：搭港鐵到堅尼地城，轉小巴58M入數碼港。/ 到旺角山東街轉乘巴士970，直達數碼港。

踩單車: 大埔吐露港單車徑近科學園

野餐可能有啲悶，都想郁動下，但又唔想行山咁辛苦，咁踩單車也是不錯選擇，由大埔租單車，慢慢一條直路踩入科學園，到科學園後又可以在園內餐廳，歎番個Afternoon Tea，再慢慢踩番大埔，沿途欣賞日落好風光。

建議路線：港鐵大埔站A出口，轉乘K17或71S總站，步行5分鐘到大埔海濱公園。/ 港鐵大埔站A出口，轉乘K18到廣福村，步行5分鐘至大埔海濱公園。

秘密日落觀賞點: 石仔灣碼頭

「石仔灣」位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。

建議路線：由中環或荃灣碼頭乘搭渡輪至珀麗灣碼頭，再步行前往。

盡覽270度維港景: 海港城觀景台

海港城花近5年時間建造的全新觀景台「海運觀點」最近落成，10月23日開始已經免費開放予公眾參觀，觀景台可以飽覽270度維港景觀，亦設有兩個6,500平方呎的活動平台，其中一個更是天然草坪，另一邊則是石地，情侶可以盡情影相「打卡」。

觀塘工廈一日遊

好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！

各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！

齊齊潮做文青

最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。

博物館

一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。

而太空館兩個展廳「太空探索展覽廳」和「宇宙展覽廳」早前閉館一年半進行翻新，4月25日終於重開。展品由60多件增至百多件，7成都是互動展品，大家可以當新地方再玩過。

煮飯仔

如果你同另一半都鍾意食嘢，一齊煮飯仔就最啱啦！網上有好多簡易食譜，煮一餐見得人嘅飯冇難度！坊間都有啲網頁係幫你執齊晒一道菜需要嘅材料，送上你屋企，等你可以輕輕鬆鬆下廚，但價錢就會比較貴。一齊煮飯仔，製造自己嘅「心血結晶」，絕對增加情趣！不過最好就傾清楚邊個洗碗，唔係煮飯仔就變成嗌交啦！

宅在家

其實拍拖最慳錢就係唔出街，而兩個人靜靜地留喺屋企都可以好浪漫。一齊窩喺Sofa睇一齣戲（無論係荷里活大片定係個個星期日都有嘅周星馳），又唔使俾錢買戲飛同爆谷，夠慳！甚至有啲情侶會一齊打機 ，真正係寓娛樂於拍拖。

其實講到尾，好多時去邊都冇謂，重點係同你邊個一齊。就算唔用好多錢，都可以一齊創造美好回憶。