【香港情報】 中電節能家電更換計劃第二輪4.27開跑｜夏天前必睇！可換冷氣雪櫃

天氣開始熱，唔少人都準備趁夏天嚟臨前，幫屋企電器升級換代。如果你係中電住宅客戶，又想換冷氣、雪櫃、洗衣機或電熱水爐，呢個消息你一定要知！

中電透過「社區節能基金」推出嘅 「節能家電更換計劃」 ，第二階段會喺 4月27日（星期一）早上9點 正式開放登記！名額一共 6,000個，合資格嘅長者、低收入家庭同殘疾人士，最高可以獲得 $2,700資助，幫你慳住換一級能源標籤嘅節能家電。

重要日子記低佢

• 申請日期： 4月27日 至 5月3日

• 結果通知： 5月12日 至 5月15日（電郵通知）

• 購買期： 5月12日起（詳情會喺電郵列明）

邊啲人合資格？

申請人必須係 香港居民（持身份證不少於1年）及 中電住宅用電客戶，並正領取以下其中一項津貼：

1️⃣ 65歲或以上長者

• 綜合社會保障援助（綜援）

• 長者生活津貼

2️⃣ 低收入家庭

• 在職家庭津貼

• 綜援

• 全額學校書簿津貼

• 幼稚園及幼兒中心學費減免（全免）

3️⃣ 殘疾人士

• 殘疾人士登記證

• 綜援交通補助金

• 傷殘津貼

申請前準備4件事

1. 中電編賬號碼（供電地址必須同送貨地址一致）

2. 度度賞賬戶（未開通可以提早申請，結果會用電郵通知）

3. 資格證明文件嘅電子檔或副本

4. 決定想換邊種家電（每種最多1件，最多可選2個種類）

申請方法 & 結果點知？

• 網上申請： 4月27日 9am 至 5月3日 11:59pm

• 親身遞交： 填妥表格 + 證明文件副本，交去中電客戶服務中心

結果公佈： 5月12-15日以電郵通知（名額有限，先到先得）

成功申請後點樣買？

成功申請者會收到 專屬優惠碼（只限用一次），可以揀：

• 網上購買： 喺指定時段登入度度賞連結，揀家電 > 入購物車 > 輸入優惠碼扣減資助 > 俾餘額

• 門市購買： 帶同成功電郵 + 優惠碼，喺指定日期內到門市選購，即場俾餘額

資助金額 = 訂單總額70% 或 $2,700（以較低者為準）

「睇位」及安裝須知

• 購買家電已包括基本安裝服務

• 「睇位」服務（由供應商技工確保電器符合安裝要求）須由申請人自付費用，不計入資助額

• 網上購買：可於結賬時預約「睇位」服務

• 門市購買：可先準備舊家電牌子型號或尺寸給店員初步評估，如有需要可於下單前安排「睇位」，再預約購買時段

📌 詳細資料可以上 中電官網 睇更多。
記得校定鬧鐘，4月27日早上9點準時登記，機會有限，先到先得！

常見問題

問：可以兩個階段都遞交申請嗎？
答：可以。若第一階段申請不成功，可於第二階段再次申請。但如第一階段已成功申請，無論最終有否購買家電，第二階段的申請將不獲處理。

問：如何知道我已擁有度度賞賬戶？
答：如擁有中電One賬戶，可登入中電應用程式 > 探索 > 度度賞eShop。若跳至度度賞「我的賬戶」頁面，即已擁有度度賞賬戶；若跳至首頁，則未連結賬戶，可註冊並手動連結。

問：專屬優惠碼可以分享給他人使用嗎？
答：切勿分享或披露你的專屬優惠碼，不論任何原因導致遺失或被使用，中電不會補發或賠償。

Q：邊度可以搵到一級能源標籤嘅冷氣、雪櫃、洗衣機、電熱水爐？
A：可以去機電工程署網頁查閱已登記嘅型號。

把握機會，立即申請！計劃名額有限，先到先得！