女友5大超難問題03: 「我有啲咩吸引你？」
男友完美答案:「你嘅臉好合乎黃金比例，呢個係好難得㗎！」
呢條其實同「你點解愛我？」、「你愛我啲乜？」一樣，只係字眼唔同，但男人通常好少會認真答。近排由奇洛李維斯同雲露娜維達主演嘅電影《結婚進行識》(Destination Wedding)就道出咗男人當遇到女人呢條問題時嘅最佳答案。電影中，奇洛李維斯飾演毒舌寡佬，喺出席一次旅行結婚時巧遇寸咀盛女雲露娜維達，兩人72小時內靠鬥咀擦出愛火花。旅程臨完結前，女主角問男主角：「我有咩吸引到你？」男主角答：「你嘅臉好合乎黃金比例，呢個係好難得㗎！」其實，女人都鍾意聽啲實在嘅答案，千祈唔好答啲虛無飄渺如：「感覺啦」、「鍾意就鍾意，冇點解」呢啲答案，女朋友一定會反你眼！
女友5大超難問題04: 「我係咪肥咗？」
男友完美答案:「無論你變成點，我都一樣咁愛你。」
又係一條全天下男朋友都會答錯嘅問題！當女朋友一世都減緊肥嘅時候，佢一定都會問你呢條問題，但你記得千祈唔好答：「唔係呀！」因為女朋友一定會回你：「唔係喎，你睇下我呢度呢度好多肉呀！」男朋友們，其實「我係咪肥咗」呢句話嘅潛在意思係「你愛唔愛我」，女朋友怕你一旦嫌棄佢肥，就等於唔愛佢。所以，最佳答案係：「無論你變成點，我都一樣咁愛你。」記住，千祈唔好由你把口講出個「肥」字，即使你個答案係：「就算你肥咗，我都一樣愛你」都係錯！因為女朋友對耳只會聽到「肥咗」兩隻字！
女友5大超難問題05: 「如果我離開咗你，你會點？」
男友完美答案:「我覺得我搵唔返第二個，因為我淨係愛你一個！」
假設性問題係女朋友最常問嘅問題，「如果我死咗，你會點？」、「如果我生Cancer，你會點？」、「如果我唔再愛你，你會點？」其實呢堆問題都係源自女朋友看得電影和電視劇太多，總會幻想自己如劇中女主角一樣，男主角會為自己愛得轟轟烈烈，傷心痛哭，要生要死嗰種。當然你可以參考電視劇和電影男主角的做法，但事實上你地又冇經歷到，所以都只能停留於口頭回覆，最佳回應答案就係：「我覺得我搵唔返第二個，因為我淨係愛你一個！」記得要帶點真誠呀！
愛情是一場青春的賭注，敗者將一無所有，我們都輸不起
【GOGOAdvise Girl女生王國 現在徵稿】
歡迎來稿分享對戀愛、女生用品、女性話題既情報。如蒙投稿，請寄 girl@gogoadvise.com.hk，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Girl女生王國編輯部作潤飾，及會開設作者個人專欄。
