主頁 > 最新旅遊情報 > 專門情報 > 【航空情報】 聯營航班暗藏危機 「代碼共享」要小心

【航空情報】 聯營航班暗藏危機 「代碼共享」要小心

聯營航班要小心 暗藏「賣豬仔」危機 

代碼共享安排令航空公司可以提供聯營航班服務,相信大家睇完以上有咗代碼共享一啲了解,代碼共享安排嘅原意係令到航空公司係一啲冇自己航線嘅地方都可以同一啲合作航空公司提供航班支援,可能係短途嘅轉駁服務,理論上對於客人來講影響不大,不過其實呢一種代碼共享安排背後有好多隱藏性危機, 大家真係要小心。

以為聯營航班 與直營航班安排無異

早前,有旅客透過國泰航空官方網頁,購入香港來往北京的經濟客位機票,其中回程航班屬國泰與中國國航的共享代碼,由國航營運航班。

該旅客以為聯營航班與國泰航班的安排無異,不過在回程當日,航班因北京天氣惡劣而臨時取消,國航櫃枱大混亂,國泰則以聯營航班由營運一方負責,拒絕伸出援手。而該旅客最後要另買國泰單程機票回港,形容如遭國泰「賣豬仔」。

「共享代碼」中招例子屢見不鮮

其實同樣嘅情況係外國都有發生,好似英國航空都會同一啲航空公司有共享代碼安排,不過最近亦都有外國嘅網民分享乘搭英航嘅共享代碼航空係美國航空公司,同樣地航班取消之後英國航空唔會為此負責,由於美國航空公司並唔係屬於喺歐盟嘅法律之下,所以美國航空嘅賠償遠遠比英國航空低,網民最後又係被迫自掏腰包再買機票,仲要遲咗20個鐘先去到目的地。

所以呢啲代碼共享安排真係要小心,尤其係唔同航空公司對於班機延誤取消嘅賠償政策都好唔同,所以唔好俾班機號碼呃咗啊。

 


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 travel@gogoadvise.com.hk,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記