姊妹們你地又係咩角色？閨蜜3人旅行角色同好處 - GOGOAdvise

閨蜜二人行，成雙成對似足孖公仔，但閨蜜三人行，唔代表其中一人會被冷落忽視，三人關係中，每個閨蜜性格各異，但總會搵到自己定位，少至出街所企嘅位置，大至自己在圈子內嘅功用都會有種毋須言喻嘅默契。閨蜜三人行好處多多，只要你都有呢兩位好閨蜜，就會明白以下7點。

閨蜜3人組好處01: 擔當調停者

閨蜜鬧翻冷戰，大家都想要個下台階，偏偏脾氣差各不退讓。第三個閨蜜的作用就係做和事佬，兩邊安撫再作調停，為事件降溫！

閨蜜3人組好處02: 有人為醜事作證

同閨蜜識得愈耐就愈愛談往事。「記唔記得中三嗰年你仆親」、「你第一次失戀喊到成個眼妝溶晒」，閨蜜A記得清清楚楚，閨蜜B唔認數？閨蜜C必定站出來做個公證人，無得賴。

閨蜜3人組好處03: 始終有人陪你做喜歡的事

想睇恐怖片、想入鬼屋探險、想台灣玩滑翔傘、想去澳洲跳降落傘…閨蜜A唔鍾意或唔得閒，尚有一個人陪你體驗！

閨蜜3人組好處04: 有商有量

發現閨蜜A做錯決定，例如感情上行差踏錯；又或撞破她的男朋友偷偷與異性約會，該不該如實相告？唔知點做好，一於同另一位閨蜜商量，大家都了解A的為人，更能深入分析下一步策略。

閨蜜3人組好處05: 俾意見時用投票制

女人最鍾意問閨蜜意見，少至買件衫、食咩好，大至轉工、感情事都會問。明明心裡有答案，卻想聽聽閨蜜意見。第一個閨蜜同你意見不合，仲可以寄望第二個同你同一陣線。萬一兩個都同你持反對意見，你都可以重新反省再決定。總之三人投票制比二人更清晰有用。

閨蜜3人組好處06: 一起炮製驚喜

閨蜜二人組慶祝生日，永遠得一個人諗點搞；三人組就唔同喇，可以孖住為另一位閨蜜炮製生日驚喜，多個人幫手，計仔都多啲啦。

閨蜜3人組好處07: 閨蜜旅行角色各異

三人去旅行，職責分工都可以更有序，例如一個管公數，一個plan行程，一個做時間管理。

我的旅遊日記

旅行會使我們感到靜默，但也能因此讓我們成為會說故事的人

【GOGOAdvise Travel旅遊日記現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。

相關文章