主頁 > 最新旅遊情報 > 專門情報 > 【教學情報】 慳錢訂凌晨機第日要趕返工 打工仔一定有共鳴 5個旅行唔健康壞習慣

【教學情報】 慳錢訂凌晨機第日要趕返工 打工仔一定有共鳴 5個旅行唔健康壞習慣

「去旅行、去到盡」大家聽慣聽熟,好似去旅行要玩得至抵、至值、先值回票價。的確,好多香港人都抱著「唔輸蝕」的心態去旅行,同時亦有些香港人去旅行一啲都唔relax!小編講出5個不健康的旅行習慣,相信身為香港人的你至少都中一個!

5個不健康的旅行習慣01: 玩到盡

見到平機票出爐,Package A 同 Package B 價錢一樣,前者早機去、夜機返,玩盡5日4夜;後者都係午機來回,蝕咗足足1年日。抱著平價又抵玩的心態,好多人都揀前者,但其實呢個時間比返工更chur,又要早起,回程拎完行李又勁夜先返到屋企!明明話去旅行休息一下,點知身心更疲勞!

5個不健康的旅行習慣02: 快閃團

出咗嚟做嘢六、七年,公司勁多大project跟,要拎大假去旅行簡直難過登天,唯有趁周末快閃,星期五一收工趕去機場,遊台灣、曼谷一轉,星期一準時返工,神不知、鬼不覺。初嘗一兩次快閃就覺得幾爽,但慢慢會發現呢種旅行心態完全不健康,既無法好好享受假期,又不能體會當地風情,只係覺得周末有得「出走香港」,心態上好過一些。

5個不健康的旅行習慣03: 過份精打細算

去旅行就係為了尋開心,盡情享受!雖然不至於要你揮霍無度,但吓吓計住計住怕over budget的心態絕不能有。好似為咗慳錢要特別訂凌晨機,最慘係為玩多一日,凌晨機返第二日仲要返工。有時同朋友夾了公數,大家都想食好啲,卻因你樣樣都嫌貴,錯過了好多美食,不但令人覺得難磨合,你也未必享受到當地的特色美食。

5個不健康的旅行習慣04: 瘋狂購物

精打細算的相反,也是不健康的旅行習慣,尤其只係貪平就買/ 人買我買,根本無考慮實用性。例如有朋友去台灣買了20盒mask(足足200塊面膜)數量驚人!也有人去uniqlo大掃同款不同色的tee,最終未必件件都著…呢種人,只係覺得旅行好抵買,錯過會走寶,所以大買特買。

5個不健康的旅行習慣05: 覆公事

旅行最怕就是公司同事不斷whatsapp向你求救,明明只係小薯一名,但成間公司好似冇咗你唔得…小編曾試過為了躲避公司同事轟炸,特意唔租Wi-Fi蛋呢!然而世上有一種人,是極度有責任感的打工仔,即使去緊旅行都會check email覆公事,時刻緊貼最新狀態。呢種旅行習慣既令你難以百分百享受當下,也令旅伴感到跟你出遊不愉快,如果講中你,下次記得要改改。


【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿,請寄 aeronautmediacompany@gmail.com,另請附上照片一張及不多於80字撰稿人簡介,撰稿人可用真名或筆名。文章一經採用,或會將由Travel旅遊日記編輯部作潤飾,及會開設作者個人專欄。

GOGOAdvise - Travel 旅遊日記