【世界情報】 美國空姐Kat Kamalani 點解叫人搭飛機切記唔好飲熱嘢？

Kat Kamalani 係一名美國空姐兼KOL, 佢個Youtube 有超過33K fans!

早前, Kat 上載了一個標題為 ““Don’t you ever, ever, ever consume these products, from an airplane”, 點解佢會叫人搭飛機切記唔好飲熱嘢?

原來Kat 指出熱水及所有由熱水沖製嘅飲品，都會使用熱水箱, 但飛機上嘅熱水箱係非常污糟。

所以Kat話自己同其他空中服務員都唔會飲機上嘅熱水、咖啡或茶!

Kat仲話如果帶BB搭飛機千萬唔好直接用熱水去沖奶粉，應該問空中服務員拎支裝水，用支裝水沖完奶粉後，再放入熱水中溫熱。

呢條短片出街短短6日就有近250萬次收看，有網民就質疑係咪Kat想吸引眼球而譁眾取寵，不過後來引出唔少空中服務員都出聲話Kat講嘅句句屬實，佢哋自己都唔會敢飲機上熱水呢。