《短暫的婚姻2022》舞台劇
很多人以為一個女人只要嫁得出，從此就可以過著安安樂樂，相夫教子的生活，沒有什麼好擔心的。但其實婚姻中的女人，比任何人都脆弱和敏感，正因為將人生託付了給這個男人，每當她們感受到丈夫的冷待時，即使只是一句不經意的話語，都能牽動神經，動搖原本就不甚牢固的信心。未去到走的地步，但亦沒有留的信心，當婚姻走到一個樽頸位，應如何自處？入場欣賞《短暫的婚姻2022》，或許你會找到一點靈感。
早前預售門票已全數售罄，撲唔到飛嘅朋友一定好失望，依家仲有最後機會，將於12月6日喺快達票作最後公售！ 係12月6號朝早10點呀！大家記得啦！
由於不設實體售票， 真係要把握最後機會，睇吓撳唔撳到飛啦～
終極演出日期及時間：2023年1月15日（晚上8時）
除左終極尾場，仲會有其他場次門票添！連同早前補票尚餘之門票和內部門票，共約1,700張門票一併公開發售。
演出日期：
2022年12月30-31日、2023年1月2-7日、1月10-14日 （晚上8時）
2022年12月31日、2023年1月7-8日、2023年1月14-15日 （下午3時）
演出地點：香港演藝學院歌劇院
票價：$880、$680、$480、$280
一個關於婚姻、關係、失去、寂寞、背叛……的演出
未睇之前，不如我哋同大家重溫一下一啲經典嘅對白先，
「我哋以前成日笑嗰啲夫妻，唔係各自出去偷食，就係留喺屋企互相折磨，瞓喺同一張床都唔了解對方，依家我哋都變成咁。」Malena 《短暫的婚姻》𧝁思敏 飾
「我希望你相信，呢啲錯誤都唔係嚟自evilness，只係嚟自weakness。」- Ceci 《短暫的婚姻》 Hatou 蝦頭 楊詩敏 飾
「你想我做乜嘢去補償都得，我可以轉工，我可以去見counselor，你講就得㗎喇，我想同你好似以前咁，我同你同晞晞，我想我哋去返以前咁。」- Terry 《短暫的婚姻》 林海峰Jan Lamb 飾
「我覺得，我同阿敏一齊嘅時間，就喺忙忙亂亂之間消失。而且，永遠都追唔返。」- Galen 《短暫的婚姻》 黃德斌Kenny 飾
上一次GALEN角色由潘燦良飾演，不過佢今次轉做導演，大家又可以欣賞黃德斌Kenny 飾演的另一版本
其他節目推介
鈴…鈐…鈐…
【GOGOAdvise Travel旅遊日記 現在徵稿】
歡迎來稿分享對旅遊、購物、美食、活動既情報。如蒙投稿，請寄 aeronautmediacompany@gmail.com，另請附上照片一張及不多於80字撰稿人簡介，撰稿人可用真名或筆名。文章一經採用，或會將由Travel旅遊日記編輯部作潤飾，及會開設作者個人專欄。
