【節目推介】 姜濤自爆拍《季前賽》又肥又瘦唔連戲？

最近成日睇到麥當勞嘅廣告，見到姜B，總覺得佢好似輕輕塊面發福咗少少，加上廣告中，佢係好似佢平時打波咁，着左黑色嘅貼身衫，所以身形上就差不多。

過去呢幾個月，唔知姜濤係咪終於可以休息一下，所以係健康咁發福咗少少呢？ 不過眼利嘅觀眾就發現喺《季前賽》，其實姜濤都發福咗少少，但係有時又瘦， 咁睇來唔係淨係廣告喎，究竟點解呢？

不過無論如何，都支持姜B 喺ViuTV嘅新劇《季前賽》嘅演出。加油呀～阿孝（姜濤飾）！

圖片來源：ViuTV＠Facebook

眾所周知姜濤細個嘅時候係一個二百幾磅嘅肥仔，但係經過佢一番努力，變咗好瘦嘅身形，由面圓圓變咗面尖尖。

如果細個嘅時候係，因為飲食習慣而令到佢肥咗，咁而家改善返應該就冇問題啦。不過有啲人個基因係比較容易肥， 又或者真係好鍾意食嘢，咁就要特別好小心，要好勤力先可以keep到，如果唔係就好容易反彈。

姜濤都有喺佢啲訪問度提過佢減肥嘅方法，不過就認為唔健康，而且試過因為減肥而出現過的健康問題，所以佢都建議佢啲粉絲唔好學佢。

小編都戥佢好開心，因為呢套《季前賽》正正係拍佢自己好鍾意嘅運動，而打籃球亦都係佢其中一個方法去keep fit 㗎。

不過講返喺《季前賽》入邊嘅阿孝，其實整體都比起平時我哋見嘅姜濤肥咗少少，但係後尾又瘦返，有眼利嘅觀眾發現其實唔係好連戲。對於網上熱烈嘅討論，姜濤自己就話：「拍劇嗰陣時拍劇，諗住要打波，就食返多啲嘢啦，我冇特別諗太多。但係中間發現唔係好對路， 睇 play back發現唔連戲，好似係一間房出入，入去就係肥嘅，出返嚟就係瘦嘅。嗰陣時個磅數差距都差唔多有成10 kg 㗎 ，跟住就即刻減返。」

姜濤更笑指自己無時無刻都諗住食物，減肥是佢「一生嘅課題」。

不過我相信係好多姜粉除咗鍾意姜B嘅外型之外，都好鍾意佢嘅性格，好照顧隊友、 謙虛又好學、 非常勤力。

圖片：《季前賽》 截圖

《季前賽》劇中飾演佢媽媽嘅童愛玲（飾演孝媽）， 大讚姜濤好乖，好生性，仲乖過自己嘅親生仔。佢話如果現實中有個咁乖嘅仔仔，一定唔捨得掉低佢～

個個都對姜B讚不絕口，咁再加上之前《阿媽有咗第二個》嘅毛舜筠同埋導演彭秀慧都對佢有讚冇彈，就知道呢個後生仔，唔會因為自己已經飛咗枝頭變鳳凰就變咗，仲一路都繼續努力。姜B係訪問話可能30歲後，就嘗試喺演員呢條道路上行， fans聽到都會好開心，唔好咁快退休啊～姜濤！